19.2 C
Pontevedra
Venres, 7 de Maio de 2021
Máis
    HomeO CondadoPonteareasFont cualifica de "ridícula" a petición do PP para reclamar a variante...

    Font cualifica de “ridícula” a petición do PP para reclamar a variante de Ponteareas

    O voceiro do grupo socialista da Deputación de Pontevedra, Carlos López Font, cualificou hoxe de “ridícula” a moción na que o PPdeG reclamaba ao Goberno central “que habilite máis orzamento” para a variante de Ponteareas e a mellora da seguridade viaria da N-120. López Font reprochou aos populares que presenten agora esta proposta cando “en catro anos non lle reclamaron ao Goberno central que cumpra o compromiso de contratar, executar e financiar as obras, nin se lles ocorreu reclamar á Xunta de Galicia a redacción do proxecto construtivo desta vía”.

    A deputada popular, a ponteareá Belén Villar, lamentaba hoxe que tanto BNG como PSOE non apoiasen nin defendesen aos veciños nesta demanda de hai anos. “É incrible que o deputado do BNG, Rafael Mosquera, do mesmo partido que o alcalde de Ponteareas, dixese que daba igual votar a favor que en contra. Tamén é sorprendente que o PSOE, o mesmo partido que a tenente de alcalde de Ponteareas, votase en contra. Está claro que a ningún lle importa nin a Variante nin as melloras na N-120, ambas revindicacións case históricas”.

    Pola súa banda, o Goberno da Deputación de Pontevedra subliñaba no pleno da Corporación Provincial que o Ministerio de Fomento mantén o “compromiso firme” de executar a variante viaria de Ponteareas e de mellorar a estrada N-120 ao seu paso por este concello. 

    Font sostivo que o anterior Goberno central “nunca tivo intención de converter en obras os orzamentos consignados” e lembrou que “non había nin proxecto nin convenio”. O deputado apuntou reproba que a moción do PP chegue semanas despois de que Fomento confirmase a súa intención de abordar a variante de Ponteareas, e tamén xusto despois de que o goberno de Ponteareas mantivese un encontro co Director Xeral de Estradas para tratar a concreción da nova vía entre a PO-403 e a N-120.

    “Obvian vostedes que o director xeral manifestou o compromiso firme do ministerio coa variante, e por tanto co financiamento necesario para levala a cabo”, subliñou Font. A este respecto resalta que Fomento está a elaborar un estudo de alcance que permita coñecer as características concretas desta actuación e o seu importe, e de feito, xa hai data para a seguinte xuntanza na que o departamento estatal presentaralle ao goberno municipal os resultados do estudo. “É lamentable que presenten esta moción cando está prevista a convocatoria coa Xunta e o Concello para determinar a mellor forma de executar a variante no menor prazo”, afirma o deputado socialista.

    Licitación por urxencia da N-120
    Por outra banda, Font referiuse ao arranxo da estrada N-120 e lembrou que o ministerio xa deu traslado do compromiso de licitar canto antes a redacción do proxecto como obras de urxencia. “De novo caen no ridículo. Estou seguro de que non sinten pudor político, ou non terían presentado esta moción”, indicou. O portavoz do PSdeG lamenta ademais que o PPdeG reclame partidas para estas obras cando “nunca, incluíra o que incluíra, tiñan pensado votar a favor do orzamento xeral do Estado”. A moción foi rexeitada.

    COLABORACIÓNS

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Constance Demby, pionera de la ‘new age’

    A muchos no les sonará éste nombre, a otros muchos seguidores de las nuevas músicas, es simplemente una referencia, hablar de Constance Mary Demby, más conocida como Constance Demby, es hablar de uno de los nombres más representativos de la llamada música New Age,

    ‘Spain is different’

    Da la sensación de que en España vamos por libre. Que no estamos viviendo la mayor crisis sanitaria de éste siglo y que, probablemente, acabe causando la mayor crisis económica hasta el momento porque, si seguimos así, la crisis de las subprime va a ser una broma en comparación con la crisis del Covid.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Manrique Fernández
    37 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS