14.7 C
Pontevedra
Domingo, 5 de Febreiro de 2023
Máis
    HomeO CondadoPonteareasACUAES licita o contrato para a redacción do anteproxecto de mellora da...

    ACUAES licita o contrato para a redacción do anteproxecto de mellora da EDAR de Ponteareas

    Xosé Represas valorou moi positivamente o anuncio da sociedade mercantil estatal dependente do Ministerio para a Transición Ecolóxica e o Reto Demográfico e confía en que a Xunta "dea os pasos que lle corresponden para confirmar a participación no convenio"

    A sociedade mercantil estatal Aguas de las Cuencas de España (ACUAES), do Ministerio para a Transición Ecolóxica e o Reto Demográfico, vén de licitar por 112.015 euros os servizos de asistencia técnica para a elaboración do estudo de alternativas, dos estudos ambientais e a redacción do anteproxecto de mellora da estación depuradora da Moscadeira e do proxecto de mellora dos interceptores xerais de Ponteareas.

    O obxectivo da actuación, declarada de interese xeral do Estado, é ampliar e reformar a depuradora, así como a mellora e optimización do sistema de colectores reducindo as infiltracións e propiciando a captación e separación das augas non contaminadas, procedentes de escorrentías superficiais e fontes.

    A nova depuradora, deseñada para unha poboación equivalente de 20.000 habitantes, permitirá ampliar e mellorar, de xeito significativo, a depuración das augas residuais do concello de Ponteareas, conseguindo así que os efluíntes teñan a calidade esixida pola Unión Europea.

    O proxecto de colectores inclúe a remodelación de conducións existentes e a execución duns 2.500 metros de novos colectores con diámetros comprendidos entre 500 e 1.500 mm, que recollen os vertidos do conello e os impulsa á EDAR.

    Coa execución das obras porase fin a un problema que padece o Concello e que ten a súa orixe na existencia dunha rede de colectores e unha EDAR cuia capacidade é insuficiente para tratar os caudais que lle chegan e que non alcanza os parámetros de calidade esixibles para cumprir as condicións de vertido ao medio receptor, neste caso o río Tea.

    A actuación será cofinanciada polo Fondo Europeo de Desenvolvemento Rexional FEDER 2014-2020, dentro do Programa Operativo Plurirrexional de España (POPE).

    “Un paso imprescindible”

    O alcalde de Ponteareas, Xosé Represas, valorou positivamente os novos avances comunicados no día de hoxe por ACUAES ao facer público a licitación do contrato que ten como obxectivo elaborar o documento ambiental para lograr a autorización ambiental procedente e, ao mesmo tempo, concluir a redacción de dous proxectos; por un lado os novos colectores de saneamento e, por outro lado, o da EDAR ampliada.

    Xosé Represas explica que deste xeito “executaranse ao mesmo tempo e con licitación independentes as obras dos novos colectores na contorna do núcleo urbano e a ampliación da depuradora da Moscadeira”.

    “Un paso máis imprescindible para solucionar a incapacidade da depuradora existente e para seguir ampliando a rede de saneamento a outras parroquias que carecen deste servizo básico”, recalcou o alcalde ponteareán.

    Para o rexedor local, este novo avance “indica que se están cumprindo os prazos para que estas obras tan complexas estean rematadas no ano 2023”.

    “Agora confiamos en que a Xunta dea tamén os pasos que lle corresponden para confirmar a participación no convenio e financiación das obras entre Estado, Xunta de Galicia e o Concello de Ponteareas”, apuntou Represas.

    A actuación será cofinanciada polo Fondo Europeo de Desenvolvemento Rexional FEDER 2014-2020, dentro do Programa Operativo Plurirrexional de España (POPE).

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS