24.5 C
Pontevedra
Venres, 19 de Xullo de 2024
Máis
    HomeO CondadoMondarizConcerto hoxe de Fillas de Cassandra en Mondariz

    Concerto hoxe de Fillas de Cassandra en Mondariz

    O dúo Fillas de Cassandra ofrecerá hoxe luns, 14 de agosto, un concerto en Mondariz, dentro da programación das festas locais deste concello. A actuación, que comezará ás 23:00 horas no escenario da praza de España, enmárcase no programa provincial “Musigal”, posto en marcha pola Deputación de Pontevedra para contribuír á difusión e promoción da música galega e en galego nos concellos da provincia e tamén como instrumento para fomentar o uso e a normalización social da lingua.

    O grupo Fillas de Cassandra está formado polas viguesas Sara Faro (voz e percusión) e MaríaSOA (voz, percusión e piano). A súa música é froito da aposta pola recuperación das melodías tradicionais e a creación de novas líricas, inspiradas no canto de tradición oral pero tamén influenciadas polo pop, a electrónica e a música clásica, viaxando dende o contrapunto do barroco ata o techno.

    O espectáculo que propoñen en vivo apóiase no piano, percusións e harmonías vocais apoiadas por bases electrónicas. Está baseado nos temas incluídos no seu primeiro traballo discográfico, ‘Acrópole’, que bebe tamén do teatro. Fillas de Cassandra convidan o público a ser parte dun percorrido ao longo da historia, da man dos nomes das heroínas da mitoloxía clásica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.