Esta fin de semana, 23,24 e 25 de xuño, a liga Española de Raids de Aventura dispútase
nas Neves, Salvaterra, Crecente e Arbo, con máis de 40 equipos rexistrados no VII Raid do Condado Marqúes de Vizhoja.
Un ano máis vólvese a organizar o Raid de Aventura no Sur do Condado despois de cambiar
de sede na anterior edición.
O luns 19 de xuño tivo lugar, en Adegas Marqués de Vizhoja, a presentación do VII Raid do Condado Marqués de Vizhoja para dar a coñecer algúns detalles do mesmo. Un Raid de Aventura é unha competición multidisciplinar destinada a probar a capacidade de resistencia, de navegación e de supervivencia de equipos en completa autonomía. Os participantes deben completar un extenso percorrido de orientación, no menor tempo posible, superando as dificultades naturais que atopen ao seu paso, utilizando exclusivamente as súas propias forzas, sen recibir axuda externa, nin valerse de medios motorizados.
Neste caso o Raid está dividido en dúas etapas que terán lugar o sábado 24 e o domingo 25 de xuño.
O punto de partida terá lugar este mesmo venres, 23 de xuño, coa recepción dos primeiros equipos e a entrega de dorsais para os mesmos. A entrega de dorsais realizarase nas Neves tanto o venres como o sábado. O venres éstes poderanse recoller de 20:30 a 22:30 horas e o sábado de 07:45 a 08:45 horas antes de dar comezo a proba.
Para o domingo trasladarase a entrega de dorsais A Crecente, que será desde onde se empeza a segunda e última etapa; entre as 07:30 ata as 08:00 horas.
Os participantes están divididos nas seguintes categorías:
- Élite, Aventura Masculino e Mixta; para eles o Raid consta de dúas etapas con 12
seccións e unha distancia total de 165 km, repartidas nas disciplinas de BTT, KAIAK E
TREKKING. - Aventura Feminino, Junior e Orienta Raid; esta categoría tamén conta con dúas etapas
e 12 secciones pero unha distancia de 131,30 km nos que terán as mesmas disciplinas,
BTT, KAIAK, TREKKING. - Orienta Raid Curto: Esta categoría conta cunha soa etapa o Domingo; dividido en 5
seccións, repartidas nas disciplinas BTT e TREKKING.
Unha vez finalizadas estas dúas etapas, terá lugar o acto de clausura coa entrega de premios e degustación de produtos tales como: Rosquillas Regino, Cafés do Noso, Viños
de Adegas Marqués de Vizhoja, Requeixo de Arbo, Empanadas de Crecente, no Pazo a
Moreira das nosas patrocinador Adegas Marqués de Vizhoja.
As inscricións están abertas na plataforma https://tracktherace.com/.
Para a presentación contouse coa presenza de autoridades como representantes do Concello das Neves. Estiveron presentes o seu alcalde, Jose Manuel Alfonso; e a concelleira de Deportes, Ana Durán; en representación do Concello de Arbo o seu alcalde, Horacio Gil Exposito; como representante do Concello de Salvaterra o seu concelleiro de deportes, Edgar Philipon; e como representante do concello de Crecente o seu alcalde, Julio César; ademais contouse coa presenza de Jorge Pelaez, propietario de Adegas Marqués de Vizhoja e con respresentantes do Club Cornelios, o seu presidente, Diego Fernández; e o xefe de Seguridade do Raid, Isaac Rodríguez.
