O Concello de Salceda de Caselas, a través da Concellaría de Emprego e Formación que dirixe Verónica Tourón, presentou esta mañá no Auditorio Municipal, o Programa Integrado de Emprego, unha acción formativa que conta cunha subvención da Xunta de Galicia de 250.000 €.
Á xornada de presentación acudiron as 100 persoas desempregadas que participarán na iniciativa – 84 son veciñas de Salceda, 15 de Salvaterra e 1 de Porriño– de sectores diversos: discapacidade, risco de exclusión social, menores de 30 anos con baixa cualificación e cualificadas, maiores de 45 anos, persoas desempregadas perceptoras de prestación, subsidios por desemprego e RAI, mulleres, etc. Na mesma tamén estiveron presentes ás dúas técnicas responsables do programa, a tenente alcaldesa Verónica Tourón e a alcaldesa Loli Castiñeira.
Na presentación Verónica Tourón definía o programa como “unha excelente oportunidade de mellorar a empregabilidade” e aseguraba animaba ás e aos participantes a ser constantes durante o seu desenvolvemento “porque se trata dunha carreira de fondo e non dun sprint nin algo que dea resultado ao día seguinte”. Subliñaba Tourón a “atención persoalizada” que terán as e os participantes durante todo tempo que dure o PIE e achegaba datos esperanzadores ao sinalar que “se ben o compromiso de contratación mínimo que temos é do 40 % a miña experiencia neste eido amosoume que sempre estamos por enriba dun 60 %.
Por último a concelleira de Emprego destacaba a importancia das prácticas en empresas xa que, dixo, “os datos apuntan a que preto do 80 por cento de persoas que fan prácticas nunha empresa, quedan a traballar nela”.
As persoas beneficiarias, tal e como explicaraon as técnicas de emprego as persoas presentes, participarían nun mínimo de cinco accións de orientación, mellora das competencias sociais e profesionais e formación específica en catro itinerarios formativos: Administración e atención ao cliente, almacén, produción industrial e hostalería.
O programa tamén contará con prácticas non laborais en empresas da zona coas que o Concello establecerá convenios de colaboración para cumprir co compromiso de inserción marcado, sempre co obxectivo final da mellora da empregabilidade e a inserción laboral.
Pechaba o acto a alcaldesa de Salceda, Loli Castiñeira que comezaba chamando a atención sobre o esperanzador dato de que as 100 prazas “non foron cubertas na súa totalidade por persoas desempregadas do municipio polo que abriuse a porta as procedentes do Porriño e Salvaterra de Miño”.
A alcaldesa de Salceda lembrou que “dende a formación do equipo de Goberno, puxemos todo o noso empeño en este programa pola importancia que ten para os nosos veciños e veciñas en situación de desemprego”. Castiñeira gabou “o traballo realizado pola concelleira de Emprego, Verónica Tourón e no tempo en que estivo de baixa pola súa compañeira Gela Ledo, que traballaron arreo cos técnicos e técnicas para que este proxecto puidera ser unha realidade”.
Destacou a rexedora local o feito de que Salceda era un dos 14 concellos da área de Vigo de poder contar cun Plan Integrado de Emprego e amosou o seu convencemento que iso “débese ao traballo que este equipo de Goberno desenvolve en materia de formación e emprego”. Lembraba Loli Castiñeira, –logo de amosar o seu convencemento de que se superará “con moito” o 40 % mínimo de inserción laboral”– que Salceda conta, ademáis cunhas instalaciones como as do Torrón e un equipo cualificado de técnicos e técnicas, que poucos concellos teñen o que reafirma a aposta deste Goberno polas accións formativas e a inserción laboral dos veciños e veciñas”.