10.8 C
Pontevedra
Sábado, 23 de Outubro de 2021
Máis
    HomeLouriñaSalceda de CaselasSalceda de Caselas, primeiro concello da provincia en renovar o protocolo entre...

    Salceda de Caselas, primeiro concello da provincia en renovar o protocolo entre Garda Civil e Policía Local para protección de vítimas de violencia de Xénero

    A subdelegada do Goberno, Maica Larriba, presidiu esta mañá o acto de subscrición do novo protocolo de colaboración entre as Forzas e Corpos de Seguridade do Estado e a Policía Local de Salceda no marco do programa de seguimento integral das vítimas de violencia de xénero VioXén. O documento foi asinado pola alcaldesa da localidade, Loli Castiñeira, e o coronel xefe da Comandancia da Garda Civil en Pontevedra, Simón Venzal.

    Salceda é o primeiro concello da provincia que procede a renovación deste documento, o primeiro trámite e fundamental, que deben formalizar todos aqueles municipios que desexen permanecer dentro do sistema VioXén. O novo protocolo recolle o reparto de funcións e asignacións de vítimas e adecúase ás referencias normativas actuais. Agora, o Concello de Salceda está á espera da ratificación por parte da Secretaría de Estado de Seguridade do convenio para poder incorporar o corpo de Policía Local ao sistema de seguimento.

    A subdelegada do Goberno, Maica Larriba, quixo felicitar “á alcaldesa de Salceda, á Garda Civil e á Subdelegación polo novo acordo, imprescindible para que forzas e corpos de seguridade local e estatal poidan colaborar, compartir información e traballar coordinadamente, optimizando os seus recursos e garantindo o cumprimento eficaz das medidas xudiciais de protección ás vítimas de violencia de xénero”.

    En particular, o novo protocolo delimita as funcións da Policía Local no ámbito da violencia de xénero e define o seguimento e reparto dos casos, o que “permite sumar máis efectivos á protección daquelas mulleres que máis nos precisan, as vítimas”, recalcou Larriba. A subdelegada lembrou que “para o actual Goberno de España a violencia de xénero é unha política de Estado totalmente prioritaria, e por iso, desde a Subdelegación seguiremos impulsando todas aquelas accións encamiñadas a combater esta eiva social en colaboración con todas as administracións”.

    Pola súa banda, Loli Castiñeira quixo subliñar o simbolismo de que sexa “unha muller alcaldesa e que lidera tamén unha corporación con maioría feminina, a primeira da provincia en firmar este protocolo que permite que as diferentes administracións unidas traballen a prol do máis importante, a protección daquelas mulleres que nos necesitan con anticipación, coordinación e resultados efectivos”.

    Unha rede para garantir o seguimento e protección as vítimas

    O Sistema de Seguimento Integral VioXén foi posto en funcionamento no ano 2007 pola Secretaría de Estado de Seguridade do Ministerio de Interior co obxectivo de establecer unha rede nacional que permita o seguimento e protección de forma rápida, integral e efectiva das mulleres vítimas de malos tratos, e dos seus fillos e fillas, en calquera parte do territorio español, así como de aglutinar ás institucións públicas competentes na materia de violencia de xénero e integrar a información dos diferentes casos. En Pontevedra, son doce os concellos adheridos a este sistema: Bueu, Caldas de Reis, Lalín, Marín, Pontevedra, O Grove, O Porriño, Redondela, Salceda de Caselas, Sanxenxo, Vigo e Vilagarcía de Arousa.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS