19.7 C
Pontevedra
Domingo, 1 de Agosto de 2021
Máis
    HomeLouriñaMosA Deputación aprobará novas achegas para Tui, Salceda, Mos e Ponteareas

    A Deputación aprobará novas achegas para Tui, Salceda, Mos e Ponteareas

    O goberno provincial dará luz verde este venres a investimentos en Tui, Salceda, Mos, Pazos de Borbén, Cangas, Vilaboa, Sanxenxo, Cuntis e Ponteareas

    A Xunta de Goberno da Deputación de Pontevedra dará o visto bo este venres a recursos por máis de 1,8 millóns de euros para outros nove municipios da provincia ao abeiro das liñas 1 e 2 do Plan Concellos 2021. Trátase de oito achegas da liña 1 de Investimentos que superan os 1,7 millóns de euros e que chegarán aos concellos de Tui, Salceda de Caselas, Mos, Pazos de Borbén, Cangas, Vilaboa, Sanxenxo e Cuntis. Ademais, aprobaranse dúas subvencións da liña 2 para Ponteareas por case 85.000 euros. Con estes recursos, a Deputación revalídase como “a administración que garante os servizos e os dereitos nos concellos da provincia de Pontevedra para que todas as veciñas e veciños dispoñan de aquelo que é fundamental”, tal e como afirmou Carmela Silva.

    Unha importante achega de 535.200 euros chegará a Tui para actuar na rúa Colón, a principal entrada ao centro urbano, e reformar as beirarrúas e dotala dos elementos necesarios. Salceda de Caselas recibirá 141.000 euros para financiar a primeira fase da reforma e acondicionamento das piscinas municipais adaptándoas á normativa vixente, mellorando a eficiencia das instalacións e ampliando o abanico de persoas que poidan desfrutar delas. Mos recibirá 151.500 euros para a mellora da seguridade viaria do camiño da Estrada Real e do camiño de Cabezal. Do mesmo xeito, a Pazos de Borbén chegarán 201.400 euros para o asfaltado de camiños en sete parroquias, estes viarios atópanse deteriorados tanto polo seu uso como polas fortes precipitacións.

    Tamén se aprobará unha achega de 160.300 euros para que Cangas poida humanizar o barrio de Nazaret, intervindo nas beirarrúas, iluminación e recollida de pluviais. Vilaboa financiará a rede primaria de abastecemento de auga potable entre os lugares de Rialiña e Santa Marta, na parroquia de Bértola, cunha subvención de 100.000 euros. Pola súa banda, Sanxenxo empregará os 287.300 euros que aprobará a Xunta de Goberno para humanizar a rúa Unión e as súas transversais, unha zona céntrica do concello cuxo pavimentos se atopan moi deteriorados, e que conta con mala iluminación e deficiencia nos servizos. A Cuntis destinaranse 150.000 euros para financiar obras de emerxencia de viarios que se atopan en mal estado polo último temporal

    No que atinxe á Liña 2, a Xunta de Goberno aprobará dúas achegas para Ponteareas de 84.800 euros. O concello empregará estas partidas en gastos correntes de iluminación, asfaltado e material de obra (62.000 euros) e axardinamento da contorna da piscina e do centro deportivo así como a sinalización horizontal (22.800 euros).

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS