19.5 C
Pontevedra
Luns, 15 de Xullo de 2024
Máis
    HomeLouriñaO PorriñoPorriño acolle hoxe a Atios Cup

    Porriño acolle hoxe a Atios Cup

    O campo de fútbol do Carballo acolle hoxe sábado, 16 de setembro, unha nova edición da ATIOS CUP, o torneo de fútbol base organizado pola Unión Deportiva Atios.

    Serán 12 equipos e preto de 350 xogadores os que participen na competición, con equipos das categorías Benxamín e Prebenxamín, convertindo a esta parroquia porriñesa no epicentro do fútbol base esta fin de semana.

    O Tyde F.C, a UD Sta Mariña, Mondariz FC, SR Casablanca, Rápido de Bouzas, FC Coruxo, ED Salvaterra,  e o anfitrión, a UD Atios saltarán ao campo . cos seus equipos para facerse coa copa neste torneo que se disputa ao inicio da tempada e que nos que os pequenos e pequenas futbolistas demostran a súa destreza e técnica.

    O alcalde, Alejandro Lorenzo, e o concelleiro de Deportes, Abel Estévez, xunto co presidente do club organizador, José Cebreiro, e representantes da directiva presentaron o evento dende o terreo de xogo . O presidente da UD Atios destacou que se trata do “torneo de base con máis tradición da Louriña que esta ano chega á súa duodécima edición”. Cebreiro explicou que a competición arrancará “este sábado ás 9 horas coa categoría prebenxamín, na que participarán 12 equipos con preto de 180 nenos. O vindeiro será a quenda dos benxamíns”.

    Pola súa banda, o alcalde convidou a todo o mundo “a achegarse ao Carballo este sábado e disfrutar dun espectáculo deportivo que sei que non defraudará”. O rexedor agradeceu ao club organizador o súa “contribución á promoción do deporte base entre os máis pequenos e pequenas e o enorme labor que realizan con eles durante todo ano para que teñan a oportunidade de disfrutar e aprender o deporte que lles apaixoa. Todos eles defenden o sentimento vermello e iso, é algo que só se consigue con traballo e ilusión”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.