19.9 C
Pontevedra
Sábado, 28 de Maio de 2022
Máis
    HomeLouriñaO PorriñoO plan 'Deporemse' da Deputación, "cámbialle a cara" ao Porriño entre o...

    O plan ‘Deporemse’ da Deputación, “cámbialle a cara” ao Porriño entre o colexio, instituto e pavillón de deportes

    Os deputados Carlos López Font e Santos Héctor, xunto a alcaldesa, Eva García de la Torre, visitaron as actuacións emprendidas, cun investimento de 410.600 euros

    O Concello do Porriño está a poñer en valor a súa zona de equipamentos escolares e deportivos coa humanización executada no marco do Plan de Mellora da Seguridade dos Viarios Municipais (DepoRemse) da Deputación de Pontevedra. Os deputados provinciais Carlos López Font e Santos Héctor, acompañados pola alcaldesa, Eva García de la Torre e representantes municipais, visitaron hoxe a contorna, que loce un aspecto totalmente renovado de cara ao comezo do novo curso escolar.

    As obras do plan DepoRemse, cun importe de 410.598 euros, están financiadas ao 85% pola Deputación e a un 15 % con fondos propios do Concello e teñen como ámbito de actuación a rúa Doantes de Sangue, unha zona de especial tránsito ao acoller o colexio Xosé Fernández López , o Instituto de Ensino Secundario, a escola infantil e a área deportiva do pavillón municipal.

    Os traballos están na súa última fase de execución e consisten na rehabilitación do firme en toda a rúa Doantes de Sangue, así como a adaptación dos pasos de peóns e beirarrúas existentes ao modelo de mobilidade da Deputación. O proxecto inclúe tamén a pavimentación do camiño existente que comunica esta rúa con Doutor Paz Varela e a colocación de novas beirarrúas na rúa Fernández Areal. Así mesmo, os traballos supoñen a eliminación de zonas de estacionamento para ampliar as beirarrúas, o acondicionamento das zonas de estacionamento do bus escolar, coa ampliación desta área e o alongamento das beirarrúas, así como o aumento da iluminación nos pasos peonís e a mellora dos niveis de iluminación do viario. Por último, as obras inclúen tamén o redeseño de toda a sinalética na zona de actuación.

    O deputado provincial Carlos López Font cualificou a actuación como “exemplar” e destacou a transformación desta zona para a mellora da calidade de vida da veciñanza do Porriño, “onde as persoas van ocupar aqueles espazos que antes ocupaban os coches”. Neste senso, destacou que o proxecto elixido polo Concello “coincide plenamente e se axusta á idea que temos neste goberno provincial dunha mobilidade segura e transformadora”. “O DepoRemse –engadiu Font– busca unha mobilidade e seguridade propia dos tempos en que vivimos e humanizar contornas. Neste caso, temos un dos mellores exemplos porque nesta zona están o instituto, o centro escolar, a escola infantil e o pavillón e máis abaixo, onde finaliza a actuación, comunicamos con edificios públicos como a Tesourería da Seguridade Social, o Centro de Saúde e os Xulgados. Polo tanto estamos nun entorno no que habitan persoas, no que veñen moitas crianzas e persoas maiores á estas instalacións, e o cambio que vexo é absolutamente radical. Será unha maior satisfacción cando dentro duns días comece o curso escolar e os pais e nais poidan ter unha maior seguridade viaria cos seus fillos e fillas nesta contorna”. López Font destacou a excepcional relación da Deputación co Concello do Porriño, materializada en investimentos de 8 millóns de euros no municipio desde o ano 2015, entre eles o Plan Concellos que permitiu realizar máis dunha vintena de obras e sufragar actividades culturais, amais da liña de emprego, que permitiu nestes anos contratar a 147 traballadores e traballadoras.

    Pola súa banda, a alcaldesa Eva García de la Torre, agradeceu a colaboración da institución provincial desde hai cinco anos e destacou que as obras visitadas “abarcan o ámbito que máis servizo público dá á cidadanía e que necesitaba dunha nova mirada” dentro da filosofía das cidades sostibles. “Necesitamos –engadiu– que a Deputación siga mirando para os concellos, siga apostando por este tipo de actuacións e por subvencionar plans que fagan as cidades máis humanas. Nós queremos ser unha alternativa residencial en toda a comarca. Pero para iso temos que facer no Porriño zonas máis pensadas para os cidadáns e menos para os vehículos”. García sinalou que esta obra “é o primeiro paso para ver que o concepto de cidade que compartimos vai facéndose realidade. En certo modo, palía un pouco o abandono da Xunta”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS