O alcalde do Porriño, Alejandro Lorenzo, e os concelleiros Ramón Porto e Marcos Martínez, supervisaron hoxe os traballos de renovación do asfaltado que se están a desenvolver en varios viais da parroquia de Cans, concretamente no Buraco e na Buraca.
Estes atopábanse en moi mal estado, sendo necesaria a rehabilitación integral do pavimento, así como a realización de cunetas para a recollida das augas pluviais que estaban a danar o firme existente.
No caso de Buraco, estase actuando nun tramo de 737 m, cunha anchura media de 4,1 m. Amplíase a plataforma en 155 m2 e esténdese unha capa de rodadura nunha superficie de 3.019 m2. Ademais, proxéctase unha cuneta de seguridade de 77 m de lonxitude.
No caso da Buraca a lonxitude actuación é de 569 m, cunha anchura media de 4,4 m e extenderase unha capa de rodadura nunha superficie de 2.497 m2. Executarase tamén unha cuneta de seguridade de 53 m de lonxitude.
Estas actuacións están incluídas nun proxecto de melloras de varios viais municipais que supuxo unha inversión de máis de 165.000 euros subvencionado con cargo ao Plan Concellos 22-23.
