8.7 C
Pontevedra
Xoves, 28 de Marzo de 2024
Máis
    HomeLouriñaMosO Concello de Mos manifesta a súa "pública repulsa" polo concerto dun...

    O Concello de Mos manifesta a súa “pública repulsa” polo concerto dun dos cantantes de trap “con letras máis machistas”

    Coincidindo co Mes da Muller e coa celebración do 8 de marzo, o vindeiro domingo, o executivo local emitiu un comunicado oficial rexeitando o espectáculo de Kidd Keo

    O Concello de Mos “en consenso e co asesoramento das técnicas e técnicos do Centro de Información á Muller, vén de facer público o seu rexeitamento e a súa pública repulsa polo vindeiro concerto de inicio da xira ‘The Rockport Tour’, do cantante de trap, Kidd Keo nun local do municipio. Dito rexeitamento vén dado, sinala o Concello, polo feito de que “as letras deste cantante caracterízanse polos contidos e as expresións machistas, con comentarios denigrantes, despectivos e vexatorios sobre a muller”.

    O Concello de Mos subliña a súa oposición e “rotunda repulsa” ante a celebración deste tipo de concertos, e máxime, sinalan a alcaldesa Nidia Arévalo e a concelleira de Igualdade, Sara Cebreiro “cando nos atopamos concretamente no mes de marzo, o Mes da Muller, xa que o vindeiro domingo 8 celébrase o Día Internacional da Muller”.

    O concerto de Kidd Keo está programado para o próximo 3 de abril ás 23:59 horas “contando ademais cunha zona de menores de entre 14 e 17 anos que poden acceder sen autorización”.

    A administración local mosense conclúe o seu comunicado insistindo en que, entre os seus principais obxectivos durante todo o ano, e en especial en datas como as actuais, “atópase o fomento dos valores da igualdade entre homes e mulleres e da prevención da violencia de xénero, así como inculcalos desde a infancia e a adolescencia mediante o desenvolvemento de diferentes accións e políticas sociais en centros educativos mosenses, como os colexios de Educación Primaria e o Instituto”.

    “Actividades como este concerto –sinala o comunicado do Concello de Mos– son todo o contrario ao que queremos ensinar aos nosos nenos e nenas e mozas e mozos, precisamente o que queremos é evitar este tipo de mensaxes sexistas, dominantes e ofensivos, e promover a igualdade real de oportunidades, a tolerancia e o respecto mutuos entre homes e mulleres; é por elo que non podemos senón que manifestarnos en contra e facer pública a nosa repulsa como institución a través deste comunicado”, sentenciaron Cebreiro e Arévalo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.