14.9 C
Pontevedra
Venres, 20 de Maio de 2022
Máis
    HomeLouriñaMosA Deputación dá un novo impulso á estrada de Puxeiros

    A Deputación dá un novo impulso á estrada de Puxeiros

    O deputado de Infraestruturas, Gregorio Agís, destaca que o importe final deste novo tramo “dunha obra especialmente complexa” estará en torno aos 700.000 euros

    A Deputación de Pontevedra, que xa dispón dun convenio acordado co Concello de Mos para executar as obras do primeiro dos catro tramos da estrada provincial EP-2601 Mos-Puxeiros, deu hoxe un novo paso para continuar avanzando na transformación desta importante vía presentando o avance do proxecto do segundo tramo, que chegará ata Dornelas. O deputado de Infraestruturas, Gregorio Agís, así llelo expuxo á alcaldesa, Nidia Arévalo, durante a xuntanza celebrada hoxe na sede da Administración provincial en Pontevedra.

    O tramo de Dornelas abrangue entre os PQ 2+250 e o PQ 3+550. Contempla a mellora da seguridade viaria incluíndo a creación dunha senda peonil de 2,5 metros de anchura, a renovación integral do firme e a incorporación de redutores de velocidade na calzada, así como pasos de peóns elevados, que irán colocados nos puntos acordados entre a Deputación e o Concello. Ademais, Gregorio Agís comprometeuse a valorar a petición de Arévalo de que se estude a ampliación adicional das paradas de autobús, unha vez que o Concello garanta os terreos necesarios. O importe final deste segundo tramo, á espera dos últimos axustes, estará en torno aos 700.000 euros.

    Unha vez concluída a xuntanza deuse xa a orde de facer os últimos axustes no proxecto final desta segunda fase. A Deputación enviará ao Concello as fichas dos 56 terreos afectados polas obras. Gregorio Agís afirma que a reforma integral da estrada entre Mos e Puxeiros é unha obra “especialmente complexa” e que, unha vez acordada esta segunda fase, quedarán aínda por redactar os proxectos das fases de Tameiga e Torroso.

    O pasado mes de decembro a Deputación presentou xa o proxecto da primeira fase das obras, dende o comezo da vía ata o PQ 0+600, cun orzamento total de 446.545 euros, dos que a Deputación farase cargo dun 70% (312.582 euros) e o Concello deberá responder do 30% restante (133.963 euros). Este tramo, que coincide co Camiño de Santiago e serve de acceso a servizos e equipamentos como o pazo de Mos, disporá tamén dunha senda peonil de 2,5 metros de ancho e medidas de calmado de tráfico.

    A EP-2601 ten un trazado total de 5.678 metros e a Deputación ten intención de abordar a súa transformación total, no marco do modelo de mobilidade integral e do século XXI que caracteriza tódalas obras que se acometen na rede provincial de estradas. Diante da envergadura da obra acordouse dividila en catro frases diferenciadas.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS