16.1 C
Pontevedra
Luns, 15 de Xullo de 2024
Máis
    HomeComarcasAlén da RaiaKmZero, Manuel Madarnás, Acevedos Delgados e Pachecho Bros actúan en ‘Sons na...

    KmZero, Manuel Madarnás, Acevedos Delgados e Pachecho Bros actúan en ‘Sons na rúa’

    A música en directo será a protagonista deste venres e do próximo luns en Tui coa celebración do programa ‘Sons da rúa’. Esta actividade estaba prevista para o mes de xullo pero tivo que ser aprazada daquela debido á previsión de choiva.

    Este venres a cita musical comeza ás 21 h no Paseo da Corredoira co grupo KMZero. É un grupo tudense creado en Rebordáns e conformado por Karla Lima (voz) e Fran Gómez (guitarra). Ambos realizan versións de temas actuais pero tamén máis clásicos e recoñecidos, recorrendo ao pop.  Ás 22 h no mesmo lugar actuará o trompetista tudense Manuel Madarnás presentando o seu proxecto musical “La MMarca”, que está enfocado na música pop. Nesta ocasión estará acompañado polo guitarrista Sic Salem e do baterista Jorge Pimentel.

    O luns 14, de novo na Corredoira, ás 21 h Acevedos Delgados, de Goián, abrirá a proposta musical do día. O grupo está formado polos músicos Andrés Acevedo e Davinia Delgado. Realizan versións de cancións populares pero tamén interpretarán os seus propios temas con toques de pop, blues e rock. Mentres ás 22 h Pacheco Bros, dúo formado polos irmáns vigueses Javi e Diego Pacheco, ofrecerá un espectáculo en acústico combinando guitarras e voces. Percorrerán a historia da música pop rock e o blues dos anos sesenta, con versións de temas máis recoñecidos e tamén actuais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.