24.5 C
Pontevedra
Venres, 19 de Xullo de 2024
Máis
    HomeBaixo MiñoO RosalO mercado do Rosal acolle a obra da artista Nadia Otero

    O mercado do Rosal acolle a obra da artista Nadia Otero

    A artista plástica, Nadia Otero, abre a  exposición ‘Do Lérez ao Tambre’ este venres, 11 de agosto, no Gastrobar Daordaria, no Mercado do Rosal.

    A artista guardesa formouse na Facultade de Belas Artes de Salamanca, e está especializada en pintura ao óleo, facendo das paisaxes o seu motivo principal, nomeadamente paisaxes marítimas, nas que o territorio galego ten unha presenza salientable.

    A exposición estará aberta ao público desde este venres, 11 de agosto, ata o 1 de setembro, no Gastrobar Daordaria, situado no Mercado do Rosal, na Praza do Calvario, 3, 1º andar.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.