22.5 C
Pontevedra
Luns, 15 de Abril de 2024
Máis
    HomeBaixo MiñoA GuardaOlga Alonso e Modesto Pose apoian a Lomba na procura dunha solución...

    Olga Alonso e Modesto Pose apoian a Lomba na procura dunha solución á Lamiña

    Olga Alonso e Modesto Pose participaron este mércores nun encontro organizado pola agrupación municipal socialista da Guarda na que brindaron o seu apoio ao actual alcalde e candidato á reelección, Antonio Lomba, para buscar unha solución á praia da Lamiña. 

    Como expuxo o alcalde, que se mostrou agradecido pola visita de Alonso e Pose á vila, “solemos facer alegacións aos Orzamentos xerais” ao ter o Estado competencias en diferentes ámbitos que afectan á vila. Un destes temas refírese á situación do litoral da Lamiña, na desembocadura do Miño, dependente de Costas do Estado ao tratarse de territorio fronteirizo.

    “Nós reclamamos unha actuación de emerxencia que aínda non se produciu”, defendeu Lomba. “Temos claro o que hai que facer alí, unha escollera permanente que evite o continuo deterioro do litoral e que rexenere a praia”, sinalou, mostrándose seguro de que con un Goberno socialista “que gañe con suficiente folgura como para gobernar” haberá colaboración entre ambas administracións para axilizar este proxecto. Lomba quixo recordar ademais que este deterioro que sufre o litoral “pode rematar provocando unha modificación da liña de fronteira entre España e Portugal” debido á perda de territorio.

    “Desde aquí mostramos o noso compromiso a trasladar as reivindicacións da veciñanza ás institucións do Estado”, asegurou a cabeza de lista ao Congreso. Alonso explicou que manter o goberno socialista de Pedro Sánchez votando socialista o próximo domingo asegura “máis apoio desde Madrid para as demandas desta vila, porque alí estaremos as e os deputados socialistas para asegurarnos dilo”.

    “Queremos que o cambio siga durante catro anos máis”, sentenciou Alonso, que puxo como exemplo a figura de Antonio Lomba e as transformacións levadas a cabo polos gobernos socialistas na Guarda. Unha afirmación que apoiou o actual senador e candidato á Camara Alta, Modesto Pose. “Lomba é un magnífico alcalde”, sentenciou.

    “A Guarda é un pobo co que as e os socialistas sempre estivemos comprometidos”, defendeu o candidato ao Senado, que puxo como exemplo os investimentos levados a cabo polo goberno de Emilio Pérez Touriño. Pose apelou ao “namoramento” mutuo entre as e os guardeses e o Partido Socialista, “un partido imprescindible” para entender a historia deste país. “Esperemos que o próximo domingo e dentro dun mes, nas eleccións municipais, siga sendo así”, finalizou.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.