Nova oferta formativa para o mes de maio na Aula CeMIT da Guarda

A Aula CeMIT da Guarda organiza novos cursos de informática para todas as idades para o mes de maio. Os cursos abranguen materias como a creación dun CV e procura de emprego na rede; iniciación á informática; internet e correo electrónico e mecanografía e procesador de textos.

As actividades formativas impartiránse nas seguintes datas e horas:

  • Creación do CV e procura de emprego na rede: Curso que terá lugar en horario de 10:30h a 12:00h os días 13, 15, 20 e 22 de maio.
  • Iniciación á informática: Curso que terá lugar en horario de 10:30 a 12:00h os días 16, 23 e 30 de maio.
  • Internet e correo electrónico: Curso que terá lugar en horario de 17:00 a 18:30h os días 13, 15, 20 e 22 de maio.
  • Mecanografía e procesador de textos(write): Curso que terá lugar en horario de 17:00 a 18:30h os días 14, 21 e 28 de maio.

Apertura de aula titorizada para navegación e consultas varias os luns de 12:00 h a 13:00 h e de 19:00 h a 20:00 h e os sábados de 10:00 h a 12:00 h.

Sobre a Rede CeMIT
A Rede de Centros para a Modernización e a Inclusión Tecnolóxica de Galicia, Rede CeMIT da Xunta de Galicia, configúrase como un importante vehículo para a posta en práctica de iniciativas orientadas a impulsar as TIC e a Sociedade da Información na nosa comunidade e tamén das políticas de goberno en áreas como a empregabilidade, competitividade empresarial, e-inclusión, benestar e a e-Administración. O concello da Guarda manten a aula CEMIT en funcionamento gracias a un técnico contratado a través da liña 3 do plan concellos da Deputación de Pontevedra, de fomento de emprego. Aínda que a aula de informática está integrada na rede CEMIT, o concello non recibe ningunha subvención da Xunta de Galicia

Conformada por unha serie de aulas públicas de acceso libre e de balde, dotadas de avanzado equipamento informático, audiovisual e multimedia, contan con acceso a Internet e abarcan a totalidade das comarcas de Galicia.