18.6 C
Pontevedra
Venres, 19 de Agosto de 2022
Máis
    HomeBaixo MiñoA GuardaAdrián Rodríguez e Eva Piñel gañan un Trail do Trega marcado pola...

    Adrián Rodríguez e Eva Piñel gañan un Trail do Trega marcado pola feliz volta á competición da olímpica Julia Vaquero

    O Trail do Trega coroou a Adrián Rodríguez, na categoría masculina, e a Eva Piñel, na feminina como gañadores da sétima edición da proba nunha xornada marcada pola recuperación para o mundo do atletismo de olímpica Julia Vaquero. As e os deportistas volveron demostrar na Guarda o seu compromiso coa competición amais de dar un exemplo de como realizar os protocolos sanitarios.

    Cómpre salientar que non foi preciso lembrarlle as normas ás e aos deportistas. Ninguén as saltou, todos as cumpriron “a machada” como ben puideron comprotar o alcalde da Guarda, Antonio Lomba; concelleira de Deportes, Montserrat Magallanes e o deputado provincial de Deportes Gorka Gómez, que asistiron a esta proba na que tomaban a saída 300 participantes.

    Tal e como se dera a coñecer hai días na rolda de prensa de presentación do evento deportivo, as e os participantes tomaban a saída en grupos de 10, separados entre eles 3 metros e cunha separación entre grupos de 30 segundos. Como medida adicional, as e os atletas con mellores marcas e mellor condición físicia tomaron a saída os primeiros para, dese xeito, evitar aglomeracións e, na medida do posible, adiantamentos.

    Foron, segundo todos e todas as participantes, “14 quilómetros esixentes e duros”. O bo tempo favoreceu a realización da proba que se realizaba polo complicado percorrido do emblemático Monte Santa Tegra. Adrián Rodríguez foi o que ocupou a primeira posición na clasificación xeral cun tempo de 1:08:01. Alex Goberna foi segundo ao parar o cronómetro en 1:08:38. E o terceiro foi Daniel Pazó, que finalizou con 1:09.32. A mellor na categoría feminina foi Eva Piñel, que conquistou o triunfo con 1:27:12. No segundo posto clasificouse Vanesa Villa, con 1:30:17. E a terceira posición foi para Tamara García, cun rexistro de 1:30:34.

    O retorno de Julia Vaquero ao atletismo

    Julia Vaquero na saída do Trai do Trega 2020, unha das mellores noticias para o atletismo

    Logo de moito tempo afastada da competición, Julia Vaquero volvía a calzarse as zapatillas e volveu demostrar a súa clase e talento, esa que só teñen persoas de temple extraordinario capaces de superar as máis difíciles situacións persoais, sobrepoñerse, mirar cara adiante e e dar un paso máis. Hai uns meses comezaba Julia os adestramentos e na proba que se realizou na súa vila natal confirmou o que todos sospeitaban: segue mantendo toda a calidade deportiva da que outrora fixo gala.

    Julia luciu o dorsal número 1, o que lle outorgou a organización como especial distinción polo seu brillante palmarés atlético. E a deportista levouno con orgullo. Ese mesmo orgullo que sentiron todos e todas as participantes ao compartir carreira con ela.

    Antes da saída e unha vez concluída a proba, foron moitos os que se achegaron a saludala e facerse fotos con ela. A propia Julia, unha vez rematada a proba aseguraba que “é duro o percorrido, pero gocei. Diso tratábase. De volver gozar co atletismo”. Aínda que pouco importaba para ela o lugar que ocupou ao final, foi a terceira mellor atleta feminina da Guarda. Pero o resumo era fácil: Julia Vaquero está novamente no atletismo.

    Julia Vaqueiro recoñeceu que “é moi bonito que existan este tipo de probas. E que participe moita xente. Iso quere dicir que o atletismo está vivo”. A atleta mostrou varias veces as zapatillas coas que afrontou a carreira e agradeceu todas as mostras de respecto e admiración que recibiu.

    O Trail do Trega cumpriu unha sétima edición cargada de simbolismo. Os 14 quilómetros convertéronse tamén nun desafío para Serafín Martínez, o organizador, pero tamén para o Concello da Guarda e a Deputación de Pontevedra que apoiaron o evento desde que se expuxo a súa celebración. “Un xesto e aposta que se debe aplaudir”, sinalaron as autoridades.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS