8.3 C
Pontevedra
Xoves, 28 de Marzo de 2024
Máis
    HomeBaixo MiñoA GuardaA Guarda remata o ano con contacontos, títeres e a visita do...

    A Guarda remata o ano con contacontos, títeres e a visita do Apalpador

    O Concerto Ventos de Nadal, previsto para o mércores 29, foi anulado por protocolo COVID-19

    A programación do Nadal 2021 continúa nesta derradeira semana de 2021 na Guarda con diferentes propostas para todos os públicos que conta con contacontos, títeres e a visita do Apalpador.

    Mañá martes día 28 de decembro ás 18:00h o Centro Cultural acolle “Little neno descobre a… Os Beatles. O Concello da Guarda acollerá a primeira actuación da xira Galega do espectáculo familiar de Little neno un contacontos recomendado para tódalas idades e no que o público descubrirá o mundo dos Beatles dunha forma amena e divertida.

    Ademais é un espectáculo inclusivo xa que é signado tanto no conto coma nas cancións.

    Little Neno é un cativo que cada vez que durme aparece no universo dalgunha banda de música lendaria. Trátase dun contacontos teatralizado e musicalizado dirixido para desfrutar con tódala familia ,cun pequeno concerto o final. Reserva de entradas en www.evenbrite.es.

    Para a xornada do mércores día 29 de decembro estaba prevista a realización do Concerto Ventos do Nadal a cargo da Agrupación Musical da Guarda, pero por protocolo COVID-19 foi anulado.

    Continúa a programación o xoves día 30 de decembro ás 18:00h no Centro Cultural con Titiricircus. Titiricircus é o “todoterreo” da nosa carteleira, con máis de 1200 representacións. Trátase dunha lembranza fantástica e festiva do grande circo de carpa alta e bicolor: a historia de dous vellos traballadores daquel circo que lembran agora con marionetas de fíos as glorias do seu pasado na pista.

    Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica, o malabarista máis divertido e bailadeiro do mundo…. Reserva de entradas en www.evenbrite.es.

    Xa para rematar a semana o venres 31 de decembro chega á Guarda o Apalpador, que realizará un pasarrúas polo centro da vila a partires das 13:00h do mediodía. Unha actividade enmarcada no programa “Nadal en Galego” do Departamento de Lingua da Deputación de Pontevedra.

    AXENDA DE NADAL

    Martes 28 de decembro

    • 18:00h Centro Cultural: “Little neno descobre a… Os Beatles”, de A Reixa Produccións
    • Reserva de entradas en eventbrite.es

    Mércores 29 de decembro

    • 20:30h Centro Cultural: “Ventos de Nadal”, grupos seccionais da Agrupación Musical da Guarda

    Xoves 30 de decembro

    • 18:00h Centro Cultural: TITIRICIRCUS, con Tanxarina Títeres
    • Reserva de entradas en eventbrite.es

    Do 3 ao 5 de xaneiro

    • CARTEIROS DO NADAL polas rúas da Guarda
    • Horario: 3 e 4 de 17:00 h a 20:00 h e o 5, de 11:30 h a 14:30 h

    Martes 4 de xaneiro

    • 17:30h Alameda: CIRCO RASNOVARAK, con Troula Animación
    • Espectáculo de rúa con animais xigantes

    Mércores 5 de xaneiro

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.