O presidente da Câmara municipal de Vila Nova de Cerveira, Fernando Nogueira, vén de denunciar o peche da sucursal do Santander Totta no municipio, logo de que no mes de setembro, cando se deran os primeiros rumores sobre o cese de actividade da oficina da entidade bancaria e nunha reunión solicitada coa administración do banco por parte do propio Nogueira, esta lle garantira que, naquel momento, “non existía motivo de preocupación”.
Durante o encontro, Fernando Nogueira presentou argumentos claros que sustentaban o mantenemento da sucursal en Vila Nova de Cerveira. O municipio é o décimo terceiro máis exportador da Rexión Norte –entre un total de 86 municipios– e o segundo do Alto Minho cun volume de exportacións de 700 millóns de euros no 2019 e tendo iniciado o 2020 con valores de exportación moito máis significativos de 174,5 millóns de euros, sendo os primeiros no distrito.
Conta ademáis co segundo mellor rendemento per capita do distrito e rexistrou o maior crecemento demográfico dos 10 concellos do distrito cunha variación porcentual positiva entre o 2018 e 2019. Estes argumentos polo que parece, sinala Fernando Nogueira, “non foron suficientes para que a administración do Santander Totta reconsiderase esta decisión unilateral” unha medida, engade, “que para un lego, pode ser tomada como unha mala xestión”
Pese as manifestacións realizadas ao rexedor local en setembro, o certo é que o Banco Santander Totta está a anunciar o peche da súa sucursal en Vila Nova de Cerveira para o 20 de novembro, a través do envío de notificacións aos seus clientes.
Nogueira ante este peche “agora anunciado e irreversible” adianta que a Câmara Municipal de Vila Nova de Cerveira aplicará o mesmo procedemento adoptado cando o Millennium-BCP pechou a súa oficina que é “cesar todas as relacións comerciais ata aquí establecidas, privilexiando as dúas institucións bancarias que manteñen sucursales físicas no concello”
Infelizmente, na sua óptica –explica o alcalde de Vila Nova de Cerveira– “as institucións bancarias están a proceder a optimizacións de recursos e pechar sucursais polo pais” pero, engade, “non se pode esquecer a realidade específica dos territorios e as necesidades das persoas máis emprendedoras, sen posibilidade de efectuar as súas transaccións via internet ou trasladarse debido ao peso no orzamento familiar”.
Asegura “saber perfectamente” Fernando Nogueira que las instituciones bancarias son entidades privadas y que no prestan servicio público, “pero entendemos –engade o rexedor local– que aínda así deben perseguer obxectivos sociais”.
“A realidade é que cando as cousas van mal, o Partido Socialista intervén para salvar os bancos das malas decisións que van tomando, aparecendo co saco cheo de euros e inxectando moitos millóns que son dos contribuíntes, e por tanto, de todos nós”, sentencia Nogueira.
“Esperamos que os Cerveirenses estean atentos a esta realidade e tomen as decisións máis acertadas na defensa dos seus intereses”, conclúe.