A CIM Alto Miño consensuou, este luns, o reinicio da actividade das feiras en todos os concellos do distrito a partir do día 25 de maio, unha vez que o Goberno luso incluíu este sector na 2ª fase do plan de desconfinamento da Covid-19. Con todo, este regreso vén marcado por un conxunto de medidas restritivas plasmadas nun plan de continxencia.
Así, a Feira Semanal de Vila Nova de Cerveira estará de volta na Praza da Galiza da vila fronteiriza o sábado, día 30 de maio, nun espazo totalmente pechado, con dous puntos de entrada e de saída, con uso obrigatorio de máscara de protección para feirantes e persoas usuarias, cupo controlado e hixienización de todo o espazo antes e despois da súa realización.
A pesar dos prexuízos financeiros que representa para a Câmara Municipal, “pero consciente do momento difícil que o sector atravesa”, sinalan fontes oficiais, o Concello de Vila Nova de Cerveira, á semellanza do que fixo para a última quincena de marzo, e nos meses de abril e mario en que feira non se realizou, vai prolongar a exención do pagamento das taxas a todo o mes de xuño, contribuíndo “a minimizar a falta de ingresos dos feirantes”.
