A concelleira de Formación e Emprego do Concello de Covelo, Lourdes Enes, informa da celebración dun curso de manipulación, transformación e comercialización de produtos vinculados co medio rural. O curso terá lugar os días 26, 27, 28, 29 e 30 de setembro de 2022 de 16:30 a 20:30 horas na casa cultural da Lamosa, Covelo.
O prazo de inscricións xa está aberto e deberán formalizarse no número de teléfono do Concello de Covelo 986650027 (ext. 4) ou 986594033 de luns a venres de 8:00 a 14:00 horas.
Este novo curso ofértase para un máximo de 15 participantes en situación de desemprego ou traballadores en activo.
Esta é unha iniciativa do Ministerio de Agricultura, Pesca y Alimentación realizado en colaboración co Concello de Covelo.
