Ultimas Noticias

O Pleno do Concello da Cañiza aprobou o texto dun novo convenio entre o Concello e o Club Balonmán Cañiza, sinatura que prorroga a colaboración subscrita por primeira vez con carácter oficial o 21 de abril de 2022 e que se resume na achega de 20 000 €uros para a anualidade 2024 a pagar en 12 cotas de 1666,67 € ao mes.

Como ven sendo habitual o Concello de Salvaterra de Miño reforza o horario da Biblioteca Municipal nos meses de exames finais e que coinciden coas probas da ABAU. Este ano a ampliación será dende o 13 de maio e ata o 5 de xullo en horario continuo dende as 09:00 horas e ata as 20:00 horas de luns a venres.

O Concello de Covelo abre o prazo para inscribirse na xornada de interpretación astronómica 'Ceo de inverno. 4 estacións Starlight'. Enmarcada na programación de actividades anuais que oferta o Concello de xeito estable e gratuíto, a actividade desenvolverase no conxunto xeográfico do Faro de Avión o vindeiro venres 16 de febreiro aberta a tódolos públicos incluso para aquelas que teñan mobilidade reducida.

A deputada de Turismo, Nava Castro, visitou esta tarde en Pontevedra a mostra itinerante “A camelia, flor das galegas e dos galegos” que durante dez días encherá de cor a Praza de Santa María. Trátase dunha exposición que, tralo seu paso por Pontevedra, percorrerá os concellos da provincia nos que se organizan mostras sobre a camelia para “achegar a toda a cidadanía información sobre esta flor, dende a súa historia ata os seus coidados; a economía que xira a carón dela; a súa relación coas artes, a gastronomía ou a moda; os produtos da camelia ou a ruta que se pode realizar pola nosa xeografía arredor desta flor”, asegurou a deputada provincial.

O BNG dende o goberno da Xunta defenderá o mantemento da moratoria para o desenvolvemento da eólica mariña e a retirada dos megaproxectos eólicos previstos nos POEM que afectan a amplas zonas da costa galega, as máis produtivas, e concretamente á zona sur da provincia de Pontevedra dende Baiona ate o norte de Portugal. “Son iniciativas arrasadoras, por iso é importante paralas”, destacou.

O Concello busca alternativas sostibles para empregar como base do céspede artificial na próxima remodelación do campo de fútbol da Mata. A alcaldesa, Ánxela Fernández Callís; o concelleiro de Deportes, José Carlos Martínez Crespo; e o edil de Vías e Obras, Germán Fernández visitaron as instalacións da Cidade Deportiva do S.C. Braga xunto ao seu director, Paulo Ferreira, para coñecer a súa experiencia tras empregar cortiza como base dende 2018.

Xunto á pesqueira do Coxo, en Arbo, descubrimos da man de Florencio Gago que no Tratado de Límites do 1864 aparecía co nome de “pesqueira de Figueiros” pasando máis tarde a ser coñecida como “pesqueira Gloria” e decatámonos de por que é tan necesario o nacemento da “Asociación Río Miño Natureza Ignacio Gago”, asociada ao GDR Condado Paradanta.

O valo publicitario municipal instalado na Avenida dá Foz do Miñor, na entrada de Baiona, acolleu o acto de presentación da cartelería da XXVIII Festa da Arribada que se celebrará en Baiona os días 1,2 e 3 de marzo. A cartelería rompe coa estética dos últimos anos e volve á esencia da festa –a chegada da Carabela Pinta ao porto de Baiona– e ao rigor histórico –coa fortaleza de Monterreal–, todo iso baixo a técnica da ilustradora Nuria Bouzas Loureiro.

O Concello de Baiona acolleu a Xunta Local de Seguridade co motivo da XXVIII Festa da Arribada, reunión que foi presidida polo subdelegado do Goberno en Pontevedra, Abel Losada, e polo alcalde de Baiona, Jesús Vázquez Almuiña. Responsables e mandos da Policía Local de Baiona e Nigrán, da Garda Civil do Posto Prinicpal de Baiona, da Garda Civil de Tráfico e da Comandancia de Pontevedra; e representantes da Axencia Galega de Emerxencias (AXEGA) revisaron o plan de seguridade que se poñerá en marcha para garantir a seguridade dos miles de visitantes que acudirán a festa durante os tres días de celebracións.

A Feira Internacional do Turismo, Fitur, que a próxima semana se celebra en Madrid é un dos grandes escaparates mundiais no sector turístico. Redondela estará presente cunha proposta de turismo de natureza e experiencial. A intención é “poñer en valor o patrimonio natural e paisaxístico do municipio a través do turismo”,sinala a alcaldesa Digna Rivas.

A Plataforma en Defensa da Sanidade Pública da Guarda vén de facer un chamamento á veciñanza da Guarda "a participar na manifestación convocada por SOS Sanidade Pública o próximo domingo 4 de febreiro en Santiago de Compostela para denunciar a situación de deterioro permanente do sistema sanitario público galego".

Coñecer a extensa lista de posibilidades que existen, entender que temos o dereito a equivocarnos, comprender que un estudo pode non reunir as expectativas agardadas, definir quen toma a decisión sobre o itinerario e estudos que quere cursar o alumno/a, non facer dunha decisión un conflito ou imposición ou como retomo os meus estudos son algunhas das cuestións que abordarán as/os profesionais dos nosos centros educativos na III Xornada de Itinerarios e Orientación organizada pola Asociación de Nais e Pais do IES Val do Tea de Ponteareas e o equipo de dirección en colaboración coa Federación de Asociacións de Nais e Pais (FANPO)