Val Miñor

O Concello de Nigrán da un paso máis no seu compromiso para conseguir o recoñecemento do selo “CAI” (Ciudad Amiga de la Infancia) que concede o Fondo das Nacións Unidas para a Infancia (Unicef) de forma bienal.

O Centro de Información á Muller (CIM) da Concellería de Igualdade informa que se pon en marcha a nova oferta formativa baixo a modalidade de formación en liña. Este tipo de formación baséase nunha metodoloxía flexible coa que xa levamos traballando estes últimos anos.

O Concello de Nigrán e Aqualia están a informar aos veciños de Priegue onde se están a rematar as obras de ampliación do abastecemento (Pedrosas e Sanromán) das vantaxes económicas e de tramitación que implica solicitar a conexión antes de que rematen as obras.

O alcalde de Nigrán, Juan González, acompañado da dirección técnica das obras da nova Biblioteca, realizou onte unha visita guiada a estas instalacións para unha ducia de estudantes de deseño de interiores da recoñecida escola de deseño viguesa Aula D.

A Xunta vén de recibir 10 ofertas para executar as obras de renovación integral do firme en máis de 30 quilómetros da estrada autonómica PO-552 e nun treito da PO-325, ao seu paso polos concellos de Oia, A Guarda, O Rosal, Vigo, Nigrán e Baiona.

O goberno de Nigrán presentará no pleno ordinario de abril o novo prego de prescricións técnicas que rexerán a contratación do ‘Servizo de Axuda no Fogar’ (actualmente prorrogado) aumentando a licitación de 165.000 €/anuais a 580.000 € e primando a calidade sobre a oferta económica.

Baiona acolleu o pasado sábado 17 de abril o III Campionato Open de Pesca Submarina Vila de Baiona. Un evento organizado polo Club subacuático Pérez-Sub, coa colaboración do Concello anfitrión, que reuniu a numerosos deportistas en augas de Cabo Silleiro.

Manifesto Miñor vén de denunciar o recheo dunha canteira existente no barrio de Prado, na parroquia de Morgadáns, explotación que "levaba varios anos durmida". Segundo MM, logo de ter recibido numerosas queixas veciñais, comprobaron que no anteditor barrio de Prado, no lugar de Penide, estaba a desenvolverse "unha actividade intensiva co obxecto de selar a canteira; tan intensiva como o movemento de varios camións de grande tonelaxe, así como a pa excavadora achanzando a terra e soterrando os entullos de todo tipo que ían deitando os citados camións.

O Concello de Nigrán incorporou onte, a través da liña 3 do Plan Concellos da Deputación de Pontevedra, a 18 peóns forestais a xornada completa durante 8 meses (a maiores, dentro desta mesma subvención, xa iniciaron o seu traballo dous conserxes para os colexios). Todos eles son veciños do municipio que se atopaban en situación de desemprego.

A Concellería de Deportes organizou a “Semana do Libro” co obxectivo de fomentar a lectura e combinala co deporte para conmemorar o Día Internacional do Libro 2021, xunto aos distintos clubs deportivos locais que teñen escolas deportivas e campus co Concello de Baiona.

O alcalde de Baiona, Carlos Gómez Prado, e concelleiras e concelleiros do grupo municipal socialista de Baiona mantivero no día de onte unha reunión de traballo coa deputada pola provincia de Pontevedra e portavoz de o PSOE na área de Transformacion Dixital no Congreso, Ángeles Marra. Durante o encontro, ambas as partes repasaron os investimentos aprobados este ano polo Estado en Baiona á vez que o grupo socialista local trasladáballe novas reivindicacións a Marra.

O Concello de Nigrán concedeu finalmente axudas directas ao sector hostaleiro de entre 1.115 € e 1.085 € a un total de 33 a empresas e 23 autónomos, e de 750 € a 2 traballadores por conta allea sen ingresos.