As comparsas de Entroido volveron a encher de música, cor, son e humor as rúas de Redondela este domingo, 27 de febreiro, nun desfile que non se celebraba dende o 2020 e que respondeu con creces ás expectativas tanto da veciñanza como do Concello.
A Concellería de Igualdade, que xestiona Iria Vilaboa, vén de ultimar un amplo programa para conmemorar o 8M, Día Internacional da Muller, e poñer o foco de atención sobre a igualdade como eixo imprescindible acadar unha sociedade xusta. Serán 9 días de actividades variadas e dirixidas a todos os sectores da sociedade “como partes imprescindibles na loita pola igualdade” asegurou a alcaldesa Digna Rivas.
O Arealonga FS Chapela organiza a concentración da liga autonómica xuvenil feminina de fútbol sala, subgrupo C, en colaboración coa Real Federación Galega de Fútbol e o Concello de Redondela, a través da Concellería de Deportes.
A alcaldesa de Redondela, Digna Rivas, asegurou hoxe “non dar crédito” á negativa do Pleno da Corporación para que o Concello redondelán solicitase unha subvención de carácter plurianual –de aí a necesidade da aprobación plenaria– para a demolición da nave situada nas inmediacións do convento de Vilavella para dotar á zona dun aparcadoiro disuasorio.
A alcaldesa de Redondela, Digna Rivas, visitou na mañá de onte a instalacións do CEIP Alexándre Bóveda en Angorén, Chapela, onde se están a desenvolver diversas actividades promovidas polo Concello, a través do Servizo de Normalización Lingüística, para conmemorar o Día de Rosalía.
A Concellería de Igualdade do Concello de Redondela, dirixida por Iria Vilaboa, vén de dar a coñecer o programa das que serán as 'II Xornadas de Muller e Igualdade «Gemma Pereira Otero», unha iniciativa, aposta persoal da alcaldesa Digna Rivas, que busca poñer sobre a mesa de debate todos aqueles temas que poñan en valor o papel da muller na sociedade e a súa loita por acadar unha igualdade real como único camiño para conseguir unha sociedade máis xusta.
Redondela desenvolve, durante esta semana, diversas actividades encamiñadas a celebrar a data de nacemento de Rosalía de Castro, figura clave das letras galegas, e que terán o seu cumio no acto institucional a celebrar o día 23 de febreiro, mércores, na Alameda Rosalía de Castro de Chapela.
A alcaldesa de Redondela, Digna Rivas, explica polo miúdo o panorama que se da trala sentenza que revoga "por inexactitudes" a licenza de ampliación e modernización das instalacións de Aucosa. Rivas subliña que, pese a súa opinión como veciña que leva loitando dende sempre pola saída da empresa da enseada de San Simón, como alcaldesa debe recorrrer unha sentenza que, de non facelo, podería supoñer o risco da quebra do Concello.
'A Pantalla' de Cesantes, un elemento estreitamente vinculado á parroquia de Cesantes, vén de ser obxecto de traballos de restauración e recuperación por parte da Concellería de Patrimonio que xestiona María Castro seguindo a liña de posta en valor dos elementos do patrimonio cultural, artístico e etnolóxico do municipio.
O busto de Ramon María del Valle-Inclán preside, dende hai uns días, a entrada da Biblioteca Municipal de Redondela que leva o nome do ilustre dramaturgo, poeta e novelista de Vilanova de Arousa.
A Concellería de Vías e Obras do Concello de Redondela que dirixe Vicente Lamas, vén de dar por rematados os traballos de acondicionamento, mellora no drenaxe e pavimentación no Camiño das Petadas, na parroquia de Cesantes, obra incluída no plan integral de mellora da rede viaria municipal que, dende a súa chegada ao Concello, desenvolve o Goberno que preside Digna Rivas.
O vindeiro domingo, 20 de febreiro, e co percorrido pola traza do Camiño Portugués a Santiago ao seu paso por Redondela sur, o Concello redondelán, a través da Concellería de Patrimonio que dirixe María Castro, en colaboración con A Citania, inicia unha serie de saídas guiadas a fin de coñecer e poñer en valor o abundante patrimonio cultural, histórico e paisaxístico que posúe o municipio.
Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí:.Saber MásAceptar
Cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
