A alcaldesa de Redondela, Digna Rivas, asegurou hoxe “non dar crédito” á negativa do Pleno da Corporación para que o Concello redondelán solicitase unha subvención de carácter plurianual –de aí a necesidade da aprobación plenaria– para a demolición da nave situada nas inmediacións do convento de Vilavella para dotar á zona dun aparcadoiro disuasorio.
A creación desta zona de estacionamento, fora unha petición da veciñanza da contorna da Praza de Ponteareas, como solución non só para as e os residentes da zona senón tamén para as persoas que, chegando das parroquias, puideran deixar os seus vehículos nun lugar céntrico.
Compre lembrar que, para levar adiante este proxecto, o Concello viña de adquirir para o patrimonio municipal, a parcela situada a carón do convento de Vilavella por un importe de 449 350 euros dos que 416 226 euros foron achegados pola Deputación de Pontevedra a través do Plan Concellos 2019. Trátase dun solar de preto de 4000 metros cadrados no que, tralo derrubo da nave existente, serviría para crear unha nova zona de esparexemento para a veciñanza e o aparcadoiro disuasorio.
A subvención para a que o Concello solicitaba a aprobación do Pleno, permitiría derruír a nave e comezar os traballos para a transformación do espazo no estacionamento que reclamaba a veciñanza, instalación que pola súa proximidade ao centro urbano, contribuiría a desmasificación de aparcamento de vehículos que diariamente se produce nas beiravías da estrada e completaría aos dous libres xa existentes no casco urbano reforzados polo aparcadoiro soterrado da Xunqueira.
Digna Rivas cualificou de “irresponsable” a actitude dos grupos da oposición “que prefiren deixar as peticións e intereses da veciñanza en segundo plano, e antepoñer ao ben común calquera manobra que sirva para desgastar ao Goberno local”.
Rivas amosouse firme ao asegurar que o aparcadoiro disuasorio “era unha petición das veciñas e veciños e iso, para min, está por enriba de calquera outra consideración polo que este estacionamento, dun xeito ou outro, vaise levar a cabo”.
A rexedora local Digna Rivas denunciou “a política de boicot” que desenvolven os grupos da oposición e reafirmouse en que “o aparcamento solicitado pola veciñanza levarase a diante si ou si”.
“Fronte a outros, nós non temos máis compromiso que coas nosas veciñas e veciños que outorgáronnos a responsabilidade de Goberno para darlle solución aos seus problemas e ante a inacción de oito anos de Gobernos conservadores”, conclúe a rexedora.
A oposición bloquea no Pleno a iniciativa do Goberno para facer un aparcadoiro disuasorio na contorna da Praza de Ponteareas
Digna Rivas denunciou “a política de boicot” que desenvolven os grupos da oposición e reafirmouse en que “o aparcamento solicitado pola veciñanza levarase a diante si ou si”
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.