8.7 C
Pontevedra
Xoves, 28 de Marzo de 2024
Máis
    HomeComarcasRedondelaRedondela traslada o busto de Valle-Inclán á biblioteca municipal que leva o...

    Redondela traslada o busto de Valle-Inclán á biblioteca municipal que leva o nome do ilustre dramaturgo

    O busto de Ramon María del Valle-Inclán preside, dende hai uns días, a entrada da Biblioteca Municipal de Redondela que leva o nome do ilustre dramaturgo, poeta e novelista de Vilanova de Arousa.

    Ata o seu traslado, a imaxe en pedra de Valle-Inclán, un dos escritores galegos con maior proxección nas letras hispánicas, estaba situada na Praza de Figueroa, próxima á casa do Concello nunha ubicación non excesivamente adecuada e que facía que moitas veces pasase desapercibida. Esa situación, un tanto estraña ao estar nunha praza dedicada a outra persoa, explícase facilmente xa que a biblioteca municipal, que leva o seu nome, atopábase nos baixos da Casa Consistorial.

    O Goberno local considerou que o cambio do busto ao seu novo emprazamento, a entrada da Biblioteca Municipal de Redondela ‘Valle-Inclán’ situada no Multiúsos da Xunqueira, non só puña en valor a obra escultórica e a figura do propio escritor, “senón que ten un lugar de honra na biblioteca que leva o seu nome”.

    Con este cambio, explica Digna Rivas, “queremos recuperar a figura de Valle Inclán outorgándolle un lugar máis acorde coa súa figura e transcendencia cultural”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.