Comarcas

O Concello de Nigrán avanza na creación dun areal 100 % inclusivo ao instalar en Praia América-Lourido catro espazos preferentes a modo de solarium para persoas con mobilidade reducida. A actuación realizouse a través dunha subvención de 45.451 € do GALP (Grupo de Acción Local Costeira) que, a súa vez e entre outros aspectos, permitíu instalar catro novas ramplas de madeira de acceso ao areal que rematan con cadanseu solarium do mesmo material e aproximadamente 4x2 metros.

O Concello de Baiona procedeu nestas datas ao asfaltado da rúa Ponche en Baredo, unha actuación desenvolvida por iniciativa da Concellería de Vías e Obras e financiada con recursos propios do consistorio. Os traballos consistiron na aplicación dunha capa de aglomerado asfáltico e na elevación das diferentes tapas de rexistro existentes na vía.

Debidamente apetrechado, cumprindo todas as condicións de seguranza indicadas pola ULSAM e Dirección-Xeral de Saúde, o Centro Municipal de Vacinación de Vila Nova de Cerveira instalado no Fórum Cultural de Cerveira está listo para ser utilizado.

O goberno municipal de Ponteareas informou das súas decisións en relación á polémica ampliación da Escola Infantil realizada no ano 2006 e que supuxo a posta en marcha de dúas aulas sen autorización da Xunta de Galicia. A concelleira de Benestar Social, Verónica Carrera, lembrou que “dende 2006 e durante 14 anos a Xunta tolerou o funcionamento desas dúas aulas con pleno coñecemento de que carecían da súa autorización”. Durante todos eses anos, continua a concelleira nacionalista, “a Xunta non abríu ningún expediente sancionador e so requiríu ao Concello a legalizar a ampliación.

O Concello de Baiona amplía o prazo ata o próximo 20 de febreiro para participar no cuestionario en liña orientado a coñecer tanto as demandas e propostas, como os hábitos de mobilidade da súa veciñanza en relación ao Plan de Mobilidade Sostible do municipio.

A fonte de San Benito, no Porriño, xunto á escultura que honra ao gañador do Tour 2007, Óscar Pereiro, foi o escenario escollido polo equipo ciclista 'La Sal Cocinas Louriña' para presentar os seus equipos para a tempada 2021. Nacido en 2020, o club ten actualmente 110 licenzas e 5 equipos en categorías Elite e Menos de 23 homes e mulleres, Xuveníl feminina, BTT-XCO e Máster.

A alcaldesa de Redondela, Digna Rivas, mantivo na mañá de hoxe unha reunión telemática co director xerente do Consorcio Galego de Igualdade e Benestar, Perfecto Rodríguez Muíños, para tratar sobre a construción da Escola Infantil na finca da Ginaria, en Chapela.

O Grupo Municipal do PP en Ponteareas vén de solicitar por escrito ao Goberno local unha serie de melloras no proxecto de asfaltado e ampliación da subida a Santa Cristina de Bugarín. Consideran os populares que o proxecto, “conta con graves deficiencias que poderían emendarse antes de proceder co asfaltado”.

A primeira edición da obra 'A cámara escura', de José Luis Baños, gañadora da III edición do Premio Roberto Vidal Bolaño de textos teatrais, realizada pola Editorial Galaxia, presentouse onte no Concello do Porriño nun acto no que a concelleira de Educación, Lourdes Moure, actuou como anfitrioa do acto xunto co autor, José Luis Baños, e acompañada por Francisco Castro, director xeral de Galaxia e Raquel Castro, secretaria do xurado permanente do certame.

A alcaldesa en funcións de Ponteareas, Cristina Fernández Davila e o secretario xeral do Eixo Atlántico, Xoán Vázquez Mao, compareceron hoxe en rolda de prensa para facer pública a integración de Ponteareas no Eixo Atlántico aprobada pola súa asemblea xeral esta mesma semana.

Un varón faleceu na tarde de hoxe no concello de Mondariz despois de sufrir unha indisposición mentres tallaba unha árbore na estrada que une as localidades de Cernadela e Sabaxáns. O aviso ao 112 Galicia foi dado por varias persoas arredor das 15:45 en chamadas que daban conta que un home atopábase inconsciente nas proximidades da ponte de Sabaxáns.

A decoración do establecemento 'Avicolor Pintura', resultou gañadora por unanimidade nas dúas categorías 'Mellor decoración' e premio á 'Orixinalidade e Innovación' dotada con 500 euros cada unha do certame 'Decorando Baiona non Nadal 2020-2021'.