11.2 C
Pontevedra
Mércores, 19 de Maio de 2021
Máis
    HomeComarcasRedondelaO Concello de Redondela urxe á Xunta que confirme a consignación orzamentaria...

    O Concello de Redondela urxe á Xunta que confirme a consignación orzamentaria para a construción da Escola Infantil de Chapela

    A alcaldesa Digna Rivas mantivo unha xuntanza telemática co xerente do Consorcio Galego de Igualdade e Benestar na que lle trasladou o “compromiso firme” do Concello coa construción desta unidade educativa

    A alcaldesa de Redondela, Digna Rivas, mantivo na mañá de hoxe unha reunión telemática co director xerente do Consorcio Galego de Igualdade e Benestar, Perfecto Rodríguez Muíños, para tratar sobre a construción da Escola Infantil na finca da Ginaria, en Chapela.

    Por parte do Consorcio trasladóuselle á alcaldesa que para asinar un convenio de colaboración para a construción da Escola Infantil, o Concello debería elaborar o proxecto, punto no que o Goberno local estaría de acordo “sempre e cando houbera un compromiso firme e a correspondente consignación orzamentaria para tal obra por parte da Xunta de Galicia”.

    O certo é que os servizos técnicos do Concello salientan a imposibilidade de facer un proxecto previo para unha obra de tal calibre sen dito compromiso orzamentario. Nesa liña, a alcaldesa lembrou que Zona Franca, para asinar un convenio de colaboración do Concello de Redondela, “cuantificou o orzamento reservado para distas actuacións nos Orzamentos Xerais do Estado”.

    Digna Rivas considera que “non é de recibo” pretender que o Concello acometa a redacción dun proxecto “sen saber con certeza se logo o Consorcio Galego de Igualdade e Benestar vai ter os fondos necesarios para acometer a obra”.

    Todos os problemas que agora presenta o Consorcio para a construción desta Escola Infantil, matiza a alcaldesa de Redondela, chocan coa presa que tiñan o propio Consorcio e o entón Goberno do PP, en asinar un “protocolo express” para a construción deste equipamento poucos días antes das eleccións do 2019, “sen existir daquela nin o proxecto que agora esixen, nin a Modificación Puntual das Normas Subidiarias que permitiran a instalación desta escola infantil nos terreos elixidos e que este Goberno xa tramitou e está a espera da aprobación por parte da Xunta de Galicia”.

    En vista das actuais circunstancias e a tenor da conversa mantida hoxe, Digna Rivas “urxe” á Xunta de Galicia “comprometa a correspondente consignación orzamentaria para que, o Concello, poida iniciar os trámites de redacción do proxecto”. A alcaldesa lémbralle ao Consorcio que “os servizos técnicos municipais xa trasladaron á Alcaldía a imposibilidade de iniciar ditos trámites sen que haxa un compromiso expreso por parte da Xunta”.

    Digna Rivas insistiu en que a escola infantil de Chapela “é unha necesidade urxente para as nais e pais dos nenos e nenas da parroquia e, este Goberno, utilizará todos os medios ao seu alcance”.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS