Un varón faleceu na tarde de hoxe no concello de Mondariz despois de sufrir unha indisposición mentres tallaba unha árbore na estrada que une as localidades de Cernadela e Sabaxáns. O aviso ao 112 Galicia foi dado por varias persoas arredor das 15:45 en chamadas que daban conta que un home atopábase inconsciente nas proximidades da ponte de Sabaxáns.
Se ben as chamadas alertaban sobre a posibilidade de que unha árbore alcanzara ao traballador, os equipos de intervención desprazados ata o lugar, sinalaron que a persoa puido sufrir unha indisposición mentre realizaba a podadura.
De acordo coa información facilitada polas persoas particulares que chamaron ao 112 Galicia ao fío das 15:45 para pedir axuda, o home atopábase inconsciente nas proximidades da Ponte de Sabaxáns. Durante a comunicación, as testemuñas do suceso alertaban que o incidente puido ser provocado por unha árbore que alcanzou ao traballador.
Pese as consideracións iniciais a respecto da posible causa do falecemento, finalmente, os equipos de intervención que acudiron ao lugar dos feitos informaron que o señor puido sufrir unha indisposición mentres realizaba a podadura.
Nada máis ter constancia dos feitos, desde o 112, pasouse aviso aos profesionais de Urxencias Sanitarias de Galicia-061 que, debido á gravidade das lesións sufridas polo operario, informaron da mobilización do helicóptero medicalizado con base en Ourense ata a zona. Unha vez no lugar e ao comprobar que o varón estaba falecido, o equipo médico de urxencias comunicou a anulación da aeronave.
Para aclarar as circunstancias do suceso, ata o lugar desprazáronse os axentes da Garda Civil tras ser avisados polos xestores do 112. Ademais, tamén solicitouse a colaboración dos membros de Protección Civil da Mancomunidade Oitaven-Tea.
