O PP de Ponteareas solicita melloras no proxecto de asfaltado e ampliación da subida a Santa Cristina de Bugarín

A portavoz popular, Belén Villar, solicitou por escrito as necesidades que os veciños botan en falta no proxecto aprobado polo Goberno local.

O Grupo Municipal do PP en Ponteareas vén de solicitar por escrito ao Goberno local unha serie de melloras no proxecto de asfaltado e ampliación da subida a Santa Cristina de Bugarín. Consideran os populares que o proxecto, “conta con graves deficiencias que poderían emendarse antes de proceder co asfaltado”.  

A portavoz popular, que lamentou a ausencia de consenso para esta actuación, asegurou que “non ten sentido gastar o diñeiro neste asfaltado se dentro dun ano imos ter que levantar todo para acometer a finalización do saneamento, moi importante para a parroquia e que é posible a súa conexión á minidepuradora que ten capacidade suficiente”.

Por este motivo, a concelleira do PP sinala a necesidade de deixar as tubaxes xa instaladas e as saídas de regadío e pluviais previstas, así como facer o cambio das tubaxes de dúas traidas de auga veciñais que pasan por ese tramo e que teñen máis de corenta anos, así evitaremos un malgasto máis”.   

O PP tamén solicita que se proceda ao cambio de localización de varios postes de eletricidad e telefonía, mellora da iluminación do vial e outras melloras de seguridade como un resgardo perimetral no Cruceiro de Porteliña. Tamén á altura da marquesiña dos nenos, en ou Viñal, que se reduza unha curva existente, porque a Asociación de Veciños conseguiu recentemente a cesión dos terreos, e que se incorpore ese punto á obra, coa construción dun muro, a ampliación do vial e o seu asfaltado.