Comarcas

A delegada territorial da Xunta de Galicia en Vigo, Marta Fernández-Tapias, anunciou hoxe un investimento de 187.000 euros para a renovación das carpinterías exteriores do CEIP da Cruz-Budiño no municipio pontevedrés do Porriño.

O Concello de Tomiño vén de realizar un proceso de contratación de persoal municipal. As novas incorporacións producíronse ao abeiro da subvención concedida pola Deputación de Pontevedra no marco do Plan Concellos 2021 na súa liña 3, destinada ao “emprego para a conservación de bens e servizos municipais”.

O Concello de Nigrán incorporará por vez primeira no municipio o 'Servizo de Atención Temperá' dirixido a crianzas de 0 a 6 anos con algún trastorno transitorio ou permanente no seu desenvolvemento ou en risco de padecelo.

O Secretario Xeral de Infraestruturas, Sergio Vázquez Torrón, presidiu hoxe o acto de reapertura ao tráfico do túnel do Folgoso na autovía A-52, tras a execución das obras de reparación dos graves danos ocasionados por un incendio de gran potencia dun camión portacoches que transportaba oito turismos, acaecido no interior do devandito túnel o pasado 25 de xaneiro.

Unha persoa perdeu a vida este mediodía ao colidir frontalmente o coche sen carné no que circulaba contra un camión formigoneira, cuxo ocupante resultou ileso. Segundo a información recollida no 112 Galicia, foi necesario que os Bombeiros do Baixo Miño empregasen o material de excarceración para liberar a esta persoa, que quedou atrapada no interior do vehículo.

O Concello da Guarda ven de adxudicar as obras de mellora da Praza de Abastos da localidade, consistentes na substitución do pavimento interior actual por gres cerámico antibacteriano, a adecuación de dous postos que se sacarán a concurso xunto a outros que se atopan baleiros na planta inferior, e a creación dunha zona de lecer coa apertura da terraza frontal.

A Biblioteca Pública Municipal de Tui acollerá este luns, 3 de maio, ás 13 horas a presentación da mostra itinerante 'Aquela nena de Sarria'. Trátase dun proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas. A mostra conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.

Tan só 17 traballadoras do Servizo de Axuda no Fogar de Redondela (SAF), dun total de 50, recibiron a vacina contra a COVID-19, pese a exercer un labor no que, polas súas características, “poden ser contaxiadas ao mesmo tempo que poden ser fonte de contaxio”, sinalou a alcaldesa e concelleira de Servizos Sociais, Digna Rivas.

O ciclismo volverá ás estradas das comarcas da Louriña e O Condado os días 8 e 9 de maio cunha nova edición da 'Challenge Rías Baixas' que neste ano 2021 cumpre a súa quinta edición organizada polo club 'Master da Louriña'. A proba, de rango nacional, foi presentada na mañá de hoxe na praza do Arquitecto Antonio Palacios do Porriño, coa presenza do deputado provincial de deportes, Gorka Gómez; o presidente da Federación Galega de Ciclismo, Juan Carlos Muñiz; o presidente Club Master Louriña, Juan José Álvarez Cerdeira; e os concelleiros de deportes do Porriño, David Alonso; Mos, José Areal e o concelleiro de Mocidade de Ponteareas, Miguel Bouzó.

A Xunta de Galicia, a través da Consellería de Infraestruturas e Mobilidade, vén de rematar coas obras de reforzo da seguridade viaria na estrada autonómica PO-552, no treito entre Tui e Tomiño, consistentes na eliminación dos seus tramos de concentración de accidentes grazas a un investimento, incluíndo as expropiacións e os servizos afectados, de 660.000 €.

A alcaldesa do Rosal, Ánxela Fernández, mantivo este xoves xunto a varios concelleiros unha reunión de traballo co delegado territorial da Xunta de Galicia, Luis López, un encontro institucional no que o Goberno municipal aproveitou para trasladar ao delegado as necesidades de mellora detectadas no concello en diferentes eidos como a educación, o transporte público, a sanidade, a dependencia ou as infraestruturas.

O Centro de Información á Muller (CIM) da Concellería de Igualdade, dirixida por Nuria Lameiro, informa que se pon en marcha unha nova edición do campamento urbano Gondoverán coa colaboración da Deputación de Pontevedra.