17.2 C
Pontevedra
Sábado, 23 de Outubro de 2021
Máis
    HomeBaixo MiñoTomiñoA Xunta remata a mellora da seguridade viaria na PO-552 Tui-Tomiño e...

    A Xunta remata a mellora da seguridade viaria na PO-552 Tui-Tomiño e elimina os tramos de concentración de accidentes

    A reforma da vía consistiu na construción de dúas glorietas nos entronques coas estradas PO-344 de acceso a Tomiño e coa PO-350, así como na remodelación dunha intersección, e o reforzo da iluminación, as beirarrúas e a sinalización

    A Xunta de Galicia, a través da Consellería de Infraestruturas e Mobilidade, vén de rematar coas obras de reforzo da seguridade viaria na estrada autonómica PO-552, no treito entre Tui e Tomiño, consistentes na eliminación dos seus tramos de concentración de accidentes grazas a un investimento, incluíndo as expropiacións e os servizos afectados, de 660.000 €.

    Por este motivo, o delegado territorial da Xunta en Pontevedra, Luis López, realizou esta mañá unha visita de supervisión nos tres puntos da actuación na compaña dos alcaldes de Tui e Tomiño, Enrique Cabaleiro e Sandra González, respectivamente.

    O representante autonómico puxo en valor a importancia deste proxecto, “xa que nos permite seguir avanzando na estratexia da Xunta de eliminar no prazo máis curto os tramos de maior risco das estradas autonómicas e dotar de máis seguridade a unha vía cun tráfico denso e que discorre por moitos núcleos de poboación, beneficiando de xeito directo aos máis de 30.000 veciños de Tui e Tomiño”.

    Luis López co alcalde de Tui, Enrique Cabaleiro

    As obras realizadas consistiron, principalmente, na construción de dúas glorietas: unha no punto quilométrico 71+000 coincidindo co cruzamento da PO-552 coa PO-350 e outra no punto quilométrico 60+600 na actual intersección coa PO-344 de acceso ao casco urbano de Tomiño. Así mesmo, neste segundo punto dotouse un treito de 400 metros de lonxitude de cuñas de incorporación.

    A terceira gran actuación deste proxecto acometeuse no punto quilométrico 69+150 cunha mellora da súa intersección a través do ensanchamento dos carrís centrais cunha modificación das marcas viarias e a renovación do firme.

    Os traballos complementarios centráronse na reordenación dos pasos de peóns e o seu reforzo lumínico con detección de viandantes, o alumeado das glorietas con ata 44 báculos instalados nos seus aneis centrais, a creación de beirarrúas no perímetro das novas rotondas conformando un itinerario peonil seguro nestas contornas, a recolocación das paradas de bus e a dotación de seis marquesiñas, o reforzo e redeseño da sinalización e o balizamento con 108 fitos verticais e 425 captafaros de dobre cara, así como a extensión dunha nova capa de rodaxe en todos os tramos beneficiarios.

    O delegado territorial da Xunta, acompañado pola alcaldesa de Tomiño, percorre a zona na que se realizaron as obras de mellora da seguridade viaria

    Durante a visita, o delegado territorial quixo destacar a “forte aposta” da Xunta de Galicia pola modernización das infraestruturas no Baixo Miño, xa que, ao remate desta obra, hai que engadir o impulso da Xunta ao novo treito da VAC, entre o polígono de Areas e a autovía A-55, que supón un investimento de máis de 21 millóns de euros. Así mesmo, referiuse á a renovación do firme e das sendas da PO-552 ao seu paso por Oia, O Rosal e A Guarda, que está en fase de contratación por 1,8 millóns de euros.

    “Creo que un investimento de máis de 20 millóns de euros demostra claramente o compromiso do Goberno galego coas infraestruturas dunha bisbarra periférica á que queremos dotar das mellores condicións de mobilidade para seguir incrementando a calidade de vida dos seus máis de 50.000 habitantes”, significou Luis López.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS