11.1 C
Pontevedra
Venres, 1 de Decembro de 2023
Máis
    HomeLouriñaO PorriñoAs estradas da Louriña e Condado acollerán a 'V Challenge Rías Baixas'...

    As estradas da Louriña e Condado acollerán a ‘V Challenge Rías Baixas’ de ciclismo os días 8 e 9 de maio

    O ciclismo volverá ás estradas das comarcas da Louriña e O Condado os días 8 e 9 de maio cunha nova edición da ‘Challenge Rías Baixas’ que neste ano 2021 cumpre a súa quinta edición organizada polo club ‘Master da Louriña’. A proba, de rango nacional, foi presentada na mañá de hoxe na praza do Arquitecto Antonio Palacios do Porriño, coa presenza do deputado provincial de deportes, Gorka Gómez; o presidente da Federación Galega de Ciclismo, Juan Carlos Muñiz; o presidente Club Master Louriña, Juan José Álvarez Cerdeira; e os concelleiros de deportes do Porriño, David Alonso; Mos, José Areal e o concelleiro de Mocidade de Ponteareas, Miguel Bouzó.

    A proba contará con tres etapas, unha primeira contrarreloxo de 8 quilómetros en Guláns, Ponteareas; unha segunda etapa en liña de 81 quilómetros con final en Mos e unha etapa final de 85 kilómetros no Porriño.

    Juan José Álvarez Cerdeira, presidente do equipo ‘Master da Louriña’, club organizador, amosou o seu convencemento de “chegar a unha participación de 200 corredores como ven sendo habitual” e atribuiu esta resposta ao feito de “saber darlles aos ciclistas o que eles queren”. Álvarez Cerdeira lembrou que na edición de 2020 o gañador da proba fora Jaime Romero quen “pouco tempo despois pasou a profesional e fichou co equipo Caja Rural-Seguros RGA”.

    Juan Carlos Muñiz, presidente da Federación Galega gabou o “excelente traballo de promoción de categorías inferiores que realizan clubs como Master da Louriña para sacar e dar a coñecer a futuros ciclistas”.

    Pola súa banda Gorka Gómez, deputado provincial de Deportes destacou o “enorme esforzo conxunto dos clubs e das institucións eiquí representadas por sacar adiante a organización de eventos deportivos que ademais xeran unha sinerxia económica”.

    Rematou o acto de presentación, David Alonso, concelleiro de Deportes do Porriño que lembrou que dende o ano 1996 o concello porriñés manten un apoio permanente ao ciclismo con achegas que suman un millón de euros. O responsable de Deporte do Porriño expresou o seu convencemento que este ano a ‘Challenge Rias Baixas’ volverá “a dar moito espectáculo tanto na contra reloxo de Guláns como na etapa que rematará no Pazo de Mos e agardemos que na última que acolleremos no Porriño”.

    LIBROS

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.

    Domingo Villar, «Síbaris»

    A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.