Ponteareas

A concelleira de Ensino e alcaldesa en funcións, Cristina Fdez. Davila, presentou o balance de 2020 do Conservatorio e Escola de Música municipais. Davila salientou que o custo deste servizo educativo ascendeu a 560.803,06 euros. Desta cantidade, 85.492,97 euros cóbrense coas matrículas e cotas do alumnado mentres que os 474.860,09 euros restantes sufrágaos o Concello cos seus orzamentos e sen ningún tipo de axuda de outras administracións.

O Concello informa que se reanuda a totalidade da actividade das feiras e mercados en todo o concello de Ponteareas a partires deste vindeiro sábado día 20 de febreiro. A situación sanitara do Concello mellorou nas últimas semanas e o nivel de contaxios situouse nun nivel equivalente ao de comezos de decembro.

A concelleira de Ensino e alcaldesa en funcións, Cristina Fdez. Davila, presentou o balance de 2020 do Conservatorio e Escola de Música municipais. Davila salientou que o custo deste servizo educativo ascendeu a 560.803,06 euros. Desta cantidade, 85.492,97 euros cóbrense coas matrículas e cotas do alumnado mentres que os 474.860,09 euros restantes sufrágaos o Concello cos seus orzamentos e sen ningún tipo de axuda de outras administracións.

A Concellería de Cultura, que dirixe Fernando Groba, informa que se abre o prazo de inscrición para o curso de Lingua de Signos nivel A1.1. O curso é de balde e totalmente en liña, cunha duración total de 30h das que 20h serán de sesións lectivas en grupo en directo e as 10 horas restantes de actividades individuais e titorías.

A Concellaría de Promoción Económica do Concello de Ponteareas e a Federación de Comercio, Hostalaría e Servizos, Banastra, están a ultimar os detalles para a posta en marcha da plataforma escaparate do comercio local de Ponteareas, 'Fai Ponte Con Nós'. Esta plataforma forma parte do plan 'Dixitaliza o teu negocio', que incluíu os pasados meses plans de formación e asesoramento individualizado para os comercios de Ponteareas e a planificación de estratexias empresariais adaptadas ao novo contexto.

O Concello de Ponteareas será un dos quince concellos galegos que acollan a campaña 'Únete ao reto', promovida por Ecoembes e a Xunta de Galicia. Esta campaña, que se levará a cabo durante os meses de febreiro, marzo e abril, procura o fomento da reciclaxe de envases de plástico, latas e bricks.

A Asociación de Alfombristas do Corpus Christi de Ponteareas vén de amosar o seu apoio á candidatura do mestre ponteareán, Rogelio Groba ao Premio Princesa de Asturias das Artes, un galardón que promove e difunde o patrimonio universal dos valores científicos, culturais e humanísticos. O Premio "sería un extraordinario recoñecemento para unha persoa que, como o mestre Rogelio Groba, manifestou ao longo de toda a súa vida un exhaustivo coñecemento e un profundo amor pola cultura musical, tanto polo seu recoñecemento no plano nacional, como para a difusión da súa riqueza patrimonial no exterior".

A Biblioteca Pública Municipal informa que, seguindo as medidas establecidas pola Xunta de Galicia no DOGA do luns 15 de febreiro, mañá mércores 17 volverá abrir ao público recuperando o horario habitual de 09:00 a 21:00 h.

Esquerda Unida quere que o Goberno de Ponteareas explique á veciñanza cal é a intención do executivo con respecto ao futuro da xestión do ciclo da auga no concello. Esquerda Unida lembra unha vez máis o compromiso adquirido por todos os partidos que están na corporación "de iniciar o proceso de remunicipalización da xestión da auga proposto por Esquerda Unida e aprobado por unanimidade na anterior lexislatura".

A Xunta de Goberno da deputación de Pontevedra celebrada esta semana aprobou un paquete de axudas para mellorar a mobilidade, así como aumentar o espazo adicado os peóns, este plan conta con unha dotación de máis de 2,4 Millóns de Euros para a redacción de proxectos e execución de obras.

O goberno municipal de Ponteareas informou das súas decisións en relación á polémica ampliación da Escola Infantil realizada no ano 2006 e que supuxo a posta en marcha de dúas aulas sen autorización da Xunta de Galicia. A concelleira de Benestar Social, Verónica Carrera, lembrou que “dende 2006 e durante 14 anos a Xunta tolerou o funcionamento desas dúas aulas con pleno coñecemento de que carecían da súa autorización”. Durante todos eses anos, continua a concelleira nacionalista, “a Xunta non abríu ningún expediente sancionador e so requiríu ao Concello a legalizar a ampliación.

O Grupo Municipal do PP en Ponteareas vén de solicitar por escrito ao Goberno local unha serie de melloras no proxecto de asfaltado e ampliación da subida a Santa Cristina de Bugarín. Consideran os populares que o proxecto, “conta con graves deficiencias que poderían emendarse antes de proceder co asfaltado”.