O Baixo Miño

A Escola de Ciclismo A.D. AVANZA está de celebración co campionato de España Junior conseguido por David Fernández Pérez. O corredor da A.D.AVANZA desprazábase ata o Pirineo Aragonés como un mais dos sete seleccionados pola Federación Galega de Ciclismo, para participar no campionato de España de Enduro, sendo esta a primeira modalidade que pon os seus títulos estatais en xogo neste 2020.

Recibíuse o aviso de que os servizos sanitarios de urxencia atenderon o sábado pola tarde a unha muller que resultou ferida mentres manexaba unha máquina de espigas, en Tomiño. Segundo os datos facilitados ao 112 Galicia, a persoa ferida foi liberada polos familiares ao quedarlle atrapada unha man na máquina.

A Consellería e Sanidade, decidiu onte establecer medidas restritivas no concello do Rosal ao igual que o fixo nos de A Guarda, Lalín, Vilaboa e Poio. A medida adoptouse logo da reunión do Subcómite clínico de expertos que se encarga de revisar a situación epidemiolóxica en Galicia.

A concellería de Turismo do Concello de Tui oferta, dentro do programa de actividades das Xornadas Europeas da Cultura Xudía, un taller de inmersión á repostería sefardí. Correrá a cargo de Abigail Cohen, propietaria da única pastelaría con obradoiro artesanal de pastas xudías existente en España, a Pastelería 'La Candela' en Hervás.

O Concello continúa no seu camiño para implantar no Rosal un modelo de consumo enerxético sostible, eficiente e comprometido co medio ambiente. Despois de realizar unha auditoría enerxética na que se avaliou tanto o consumo da iluminación pública exterior como do conxunto de instalacións municipais, o Concello vén de adxudicar o contrato para a redacción do Plan de Acción para o Clima e a Enerxía Sostible (PACES). O obxectivo deste documento é identificar oportunidades e ámbitos sobre os que actuar para conseguir unha redución do CO2 no municipio.

A unidade móbil do Centro de Transfusión de Galicia estará instalada na Guarda o venres día 25 e sábado día 26 de setembro. Este autobús estará emprazado na Rúa Rosalía de Castro (ao Carón do Centro Cultural) o venres 25 en horario de 10:00 ás 14:00 e de 16:30 ás 21:00 horas e o sábado 26 en horario de 10:00 ás 15:00 horas.

O Alivio chega á súa recta final. Este sábado 12 de setembro a Praza do Seixo acollera o peche das festas co tradicional acto cívico e cun concerto da Banda de Música de Goián. A tarde arrancará ás 20.00 horas cunha sentida homenaxe a todas as persoas que durante a crise sanitaria colaboraron de forma activa na loita contra a COVID-19, a todos os colectivos e a toda a veciñanza que converteron o municipio nun exemplo de unidade e solidariedade durante unha situación excepcional.

A Consellería de Sanidade estableceu esta mañá medidas restrictivas logo da reunión do subcomité clínico de expertos que se encarga de revisar a situación epidemiolóxica en Galicia. As medidas entrarán en vigor a partir as 00:00 h do sábado 12 de setembro. Estas medidas serán revisadas no prázo máximo dunha semana.

Os centros escolares de Tomiño xa están para a volta ao cole. O Concello investiu máis de 60.000 euros na mellora, reforma e mantemento dos centros educativos de Infantil e Primaria que se levaron a cabo durante os meses de verán. Estas obras foron xestionadas de maneira coordinada pola concelleira de Educación, Cristina Martínez, e o concelleiro de Obras, Alexandre Pérez, e responden a actuacións solicitadas e consensuadas previamente coas direccións de todos os centros escolares. Estas obras “van encamiñadas a colaborar nunha progresiva modernización tecnolóxica das aulas a un maior benestar do alumnado”.

Nun acto á beira do río o deputado de Cooperación Transfronteiriza Uxío Benítez, acompañado das alcaldesas de Tomiño, Sandra González; do Rosal, Ánxela Fernández; e de Salvaterra Marta Valcárcel; e os alcaldes de As Neves Xosé Manuel Rodríguez; de Tui, Enrique Cabaleiro; e de A Guarda Antonio Lomba, presentou onte as actividades ecoturísticas ‘Vive o Rio Minho’ que a Deputación de Pontevedra está a realizar para potenciar o territorio transfronteirizo do río Miño baixo o lema ‘Dous países, un destino’.

Esta fin de semana a Eurocidade Tui - Valença continúa a celebrar diferentes actividades, ao abeiro das Xornadas Europeas da Cultura Xudía, para a divulgación do amplo patrimonio vinculado á presenza histórica da comunidade xudía en ambas cidades transfronteirizas.

A programación especial do Alivio continúa este venres 11 con moita música. Será a de AcevedosDelgados, un grupo tomiñés que se subirá ao escenario para ‘contar’ cancións que os marcaron de algunha forma e tocar temas propios cos que sorprender e facer desfrutar ao público.