O tudense David Fernández Pérez, proclámase campión de España 2020 na modalidade Enduro

A Escola de Ciclismo A.D. AVANZA está de celebración co campionato de España Junior conseguido por David Fernández Pérez.

O corredor da A.D.AVANZA desprazábase ata o Pirineo Aragonés como un mais dos sete seleccionados pola Federación Galega de Ciclismo, para participar no campionato de España de Enduro, sendo esta a primeira modalidade que pon os seus títulos estatais en xogo neste 2020.

A falta de probas de este ano, facía que os Riders visen incrementadas as súas inquietudes e gañas de poñer a proba o seu nivel físico ante a falta de competicións por culpa da pandemia da Covid-19.

O Rider da escola de ciclismo A.D. AVANZA, o tudense David Fernández vixente, campión Galego de Enduro 2019, desprazábase ata o Pirineo Aragonés para levar as cores da selección galega o mais alto do podio proclamándose campión de España 2020 na modalidade de Enduro.