O Baixo Miño

O próximo venres, 11 de febreiro, A Panadaría estreará en Tui “As que limpan”. Onte A Panadaría iniciou no Teatro Municipal de Tui a súa residencia artística na que rematarán de pulir aspectos artísticos e de pechar outros técnicos coma o deseño da iluminación. O equipo, formado integramente por mulleres, estará en Tui até o día da estrea.

O alcalde de Tui, Enrique Cabaleiro González, acompañado pola Directora de Turismo de Galicia, Nava Castro; a presidenta da Deputación de Pontevedra, Carmela Silva; e os socios do proxecto Interreg Río Miño Navegable, serán os encargados de inaugurar a Oficina de Información e Turismo que se traslada aos antigos Xulgados do Paseo da Corredoira.

A Xunta de Goberno da Deputación vén de adxudicar as obras de mellora da mobilidade peonil no Camiño Escolar da EP3102 ao CEP Pedro Caselles en Tomiño, por un orzamento de 249.997 euros.

O Concello da Guarda quere expresar publicamente os seus parabéns á deportista guardesa Anair Lomba 'Lombi', xogadora de fútbol feminino que ven de anunciar recentemente a súa retirada do deporte profesional debido ás lesións que viña arrastrando dende fai un tempo nos seus xeonllos.

O Concello da Guarda dotará nos vindeiros días dunha nova zona de biosaudables que estará emprazada nunha parcela anexa á zona infantil e á zona polideportiva da Portela, na parroquia de Salcidos. Esta parcela, adquirida polo Concello da Guarda para o seu uso público, contará con preto dunha ducia de diferentes elementos de biosaudables.

A Xunta de Galicia colaborou coa posta en valor e o embelecemento dunha decena de elementos patrimoniais de titularidade municipal e de vivendas particulares na bisbarra do Baixo Miño. Grazas á orde de axudas para a corrección de impactos paisaxísticos, da Consellería de Medio Ambiente, Territorio e Vivenda, concedéronse un total de 38 252 euros en achegas para dous espazos públicos en Tui e Oia.

O Concello da Guarda, a través da Concellaría de Desenvolvemento Local oferta nos meses de febreiro e marzo tres obradoiros de xeito gratuíto dirixidos a comercio, hostalería e empresas. Estes obradoiros están enmarcados na campaña de apoio a o comercio local, iniciada xa no ano 2020 por mor da situación sanitaria.

Centenares de persoas saíron saíron o mércores 26 de xaneiro a rúa en Tomiño para denunciar a grave situación da atención primaria no concello e en toda a comarca. A alcaldesa, Sandra González, reclamou “solucións urxentes para unha situación crítica que pon en risco a saúde de todos e de todas”. A atención primaria en Tomiño e no Baixo Miño padece unha carencia de persoal sanitario que case limita a atención ás urxencias.

O Teatro Municipal de Tui abre a programación de 2022 con seis espectáculos a celebrar entre o 4 de febreiro e o 18 de marzo. Teatro e música son os dous eixos desta proposta cultural da que a metade dos eventos van dirixidos a público infantil e a outra metade a público adulto. O teatro tudense terá o 85 % do aforo e contará cun protocolo covid nunha aposta pola cultura segura. As entradas para todos os espectáculos poranse á venda o próximo martes, 1 de febreiro, ás 21h a través de www.tui.gal. Os prezo en función do evento oscilan entre os 10 € e os 3 €.

O secretario xeral para o Deporte, José Ramón Lete Lasa, visitou na mañá de onte o concello de Tui, acompañado do alcalde Enrique Cabeleiro, onde mantivo unha xuntanza de traballo cos principais clubs deportivos tudenses na que se trataron os temas relativos ás principais axudas e subvencións deportivas da Xunta para o exercicio 2022.

O Concello de Tomiño, a través da OMIX, oferta, como cada ano, unha variada programación para que a mocidade teña acceso a diferentes obradoiros, cursos e actividades formativas e ou lúdicas. Así, o vindeiro mércores 2 de febreiro de 18.45 a 20.15 horas, comezará na Aula Ensaio do Auditorio de Goián un curso de iniciación á guitarrra que durará ata o 20 de abril cunha clase semanal. As persoas interesadas poden realizar a inscrición a través da web do Concello. O prezo total do curso é de 20 euros.

O Concello da Guarda ven de sacar a licitación as obras de adecuación da planta baixo cuberta do edificio sede do Concello, cun orzamento de execución de 141 610,00 € sen IVE e cun prazo de execución de 60 días.