4.3 C
Pontevedra
Domingo, 4 de Decembro de 2022
Máis
    HomeBaixo MiñoTuiO Teatro Municipal de Tui acolle o 11 de febreiro a estrea...

    O Teatro Municipal de Tui acolle o 11 de febreiro a estrea nacional de «As que limpan»

    O próximo venres, 11 de febreiro, A Panadaría estreará en Tui ‘As que limpan’. Onte A Panadaría iniciou no Teatro Municipal de Tui a súa residencia artística na que rematarán de pulir aspectos artísticos e de pechar outros técnicos coma o deseño da iluminación. O equipo, formado integramente por mulleres, estará en Tui até o día da estrea.

    Precisamente no día de onte tiña lugar a presentación da obra por parte das tres actrices, directoras e autoras da obra Areta Bolado, Noelia Castro e Ailén Kendelman, xunto ao alcalde, Enrique Cabaleiro e a concelleira de Cultura, Sonsoles Vicente.

    O alcalde, Enrique Cabaleiro, daba a benvida ás integrantes de A Panadaría. Aludía o rexedor tudense ao momento difícil que vén de pasar a cultura debido a pandemia, polo que necesitan o apoio das institucións sinalando que “a cultura é tamén un elemento de dinamización social e económico”. Enrique Cabaleiro manifestou que “é unha honra que estreedes aquí esta obra que ten un contido social importante e pon enriba da mesa elementos de debate importantes”. Referíase así por unha banda “ás xustas reivindicacións das profesionais que se dedican a limpeza en hoteis e en cadeas hoteleiras”, e por outra ao “modelo turístico de masas que empeza xa a ser cuestionado en moitos lugares”. Nese senso advertía que “en Tui, que é un concello cunha clara vocación turística, temos que estar atentos a que non se dea ese fenómeno, sobre todo vinculado ao Camiño de Santiago”.

    A concelleira de Cultura, Sonsoles Vicente, amosaba a súa satisfacción por poder contar en Tui con esta obra, destacando o feito de que se realice na cidade unha estrea a nivel nacional dunha obra coproducida polo Centro Dramático Nacional sobre “un tema que está moi en boga coma son as mulleres limpadoras das grandes cadeas hostaleiras que demandan xustiza social”

    Areta Bolado, Noelia Castro e Ailén Kendelman explicaron na súa intervención que en “As que limpan” seguen a liña de traballo da compañía facendo comedia e música vocal, nesta ocasión para “contar a loita das camareiras de piso”, e por extensión dicían “imos falar de todas as mulleres, e de como estamos abocadas aos traballos de limpeza e dos coidados, e coma estes traballos normalmente son traballos precarizados”. Engadían que tamén “aproveitamos para falar do modelo de turismo que levamos anos construíndo no noso país e coma iso afecta aos ecosistemas, ás persoas…”.

    Areta Bolado indicaba que “para nós a loita das camareiras de piso é unha loita obreira moi significativa” porque explicaba que emprega mecanismos diferentes aos tradicionais, “empregan mecanismos moi creativos para conseguir visibilizarse”.

    ‘As que limpan’ estrearase no Teatro Municipal de Tui o venres, 11 de febreiro, ás 21 h. A xira continuará por Redondela, Vilagarcía de Arousa, Vigo, As Pontes, Viveiro, Foz, Ames, Oleiros, Santiago de Compostela, Gondomar, Monforte de Lemos,, A Coruña, Lugo, Mos e Cedeira. Amais o 2 e 3 de abril estrarán a obra en castelán no Teatre El Musical en Valencia, e do 20 de abril ao 15 de maio estarán no Teatro María Guerrero en Madrid.

    As entradas para a representación en Tui poranse á venda mañá martes, 1 de febreiro, ás 21 h en www.tui.gal aos prezos de 10 € e 8 €.

    Dentro da promoción do espectáculo A Panadaría repartirá 1000 bolsas de papel para o pan coas datas das representacións da obra, entre as panadarías locais.

    COLABORACIÓNS

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS