O Concello de Nigrán abre este xoves e venres 14 e 15 de xullo o prazo de inscrición para participar na festa do ‘Día dos Avós’ o martes 26 de xullo na Asociación de Veciños ‘Monteferro-Panxón’ (Praza D.Manuela, 4- A Porqueira).
Está dirixida a persoas xubiladas empadroadas en Nigrán e os interesados deben apuntarse telefoneando ao 986365000 de 10:00 a 13:00 horas, sendo o límite de aforo 75 persoas.
A xornada comezará cun photocall profesional de agasallo, almorzo a partir das 14:00 horas a base de empanada, paella, sobremesa, bebidas e café (necesario que cada comensal leve os seus propios cubertos). A continuación, ás 16:00 horas, haberá unha sesión de bingo e ás 18:00 horas a actuación do grupo ‘Los alegres del Val Miñor’. O obxectivo é vivir unha xornada festiva nun ambiente familiar e distendido. Cada ano o Concello celebra esta festividade que se fixo coincidir co día de San Xoaquín e Santa Ana.