O Concello de Gondomar, a través da Concellería de Cultura, pecha a súa programación do
mes de maio, Mes das Letras, cun concerto este domingo 30 de maio ás 12:00 horas na Praza Paradela có grupo de música folk “Caldo”.
Caldo é un grupo vigués composto por María Jorge (violín), Anaïs Barbier (voz e pandeireta) e Pedro Fariñas (guitarra e gaita), que presentan unha proposta de melodías tradicionais galegas integradas en novos contextos sonoros, xunto a pezas propias tinguidas das músicas europeas e atlánticas.
Creado con agarimo, Caldo resulta un prato musical delicioso, no que os ingredientes
viven unha fusión natural que vai directa ao sentir do público.