14.7 C
Pontevedra
Domingo, 5 de Febreiro de 2023
Máis
    HomeUltimas Noticias«Mulleres do Silencio», a Deputación visibiliza o talento das artistas galegas do...

    «Mulleres do Silencio», a Deputación visibiliza o talento das artistas galegas do século XX

    Carmela Silva: “falamos dunha obra de recoñecemento a grandes mulleres da cultura en Galicia que tanto teñen aportado e que foron historicamente ocultadas”

    A Deputación de Pontevedra presentará a próxima semana en Vigo e Pontevedra o catálogo ‘Mulleres do Silencio. De Maruja Mallo a Ángela de la Cruz’, baseado na exposición que tivo lugar no MARCO entre outubro de 2016 e abril de 2017 na que se visibilizou a obra e traxectoria de 19 artistas galegas vinculadas á pintura.

    A presidenta Carmela Silva, acompañada de Rosario Sarmiento, comisaria da exposición e promotora do catálogo, sinalou que “o obxectivo é visibilizar o talento das mulleres historicamente ocultas durante séculos, neste caso das artistas galegas do século XX, posto que a historia da arte foise construíndo cunha mirada masculina e obviando e dificultando que as mulleres puidéramos participar activamente no mundo da cultura”.

    As presentacións desta publicación terán lugar o mércores 13 ás 19:00 horas no Palacete das Mendoza, en Pontevedra, e o venres 15 ás 18:00 horas na Biblioteca do Marco, en Vigo. A Deputación editou xa mil exemplares do catálogo e, tal e como sinalou Silva, iranse “reeditando porque queremos que cheguen a todas as casas e centros educativos da provincia como unha acción máis de recoñecemento do que teñen aportado tantas grandes mulleres da cultura, neste caso da pintura”. Nesta peza ponse en valor o traballo de artistas como Maruja Mallo, María Victoria de la Fuente, Beatriz Rey, Soledad Penalta ou Menchu Lamas, “precursoras de moitas artistas de hoxe cando en Galicia vivimos toda unha revolución cultural que ten nome de muller”.

    Aínda que no eido da arte avanzamos cara á igualdade, o camiño tamén é longo. De feito, Rosario Sarmiento aportou un dato revelador de que “as mulleres son o 70 % do alumnado nas escolas de Belas Artes mais “cando estas artistas rematan os seus estudos con brillantes cualificacións e chegan o mundo profesional, só teñen o 30 % dos espazos profesionais para poder desenvolver o seu traballo”. Sarmiento quixo salientar que, deste xeito, é difícil que as mulleres “formen parte das direccións das grandes galerías de arte que son as que marcan as pautas do mercado e mentres esa situación de desigualade siga temos que seguir loitando día a día”

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS