Tag: autoridade portuaria
A Autoridade Portuaria de Vigo ningunea ao Concello de Redondela
O Concello rexeita, unha vez máis, converter o Estreito de Rande, nun espazo industrializado como pretende a APV, ao utilizar o Peirao da Pedra como almacén e taller de reparacións para a empresa Atlánticas Vigo, S.L. que non conta con licencia de actividade do Concello de Redondela.
O BNG de Redondela alerta sobre o “medre portuario” na zona de Rande
O encontro mantido entre o presidente da Autoridade Portuaria de Vigo, Jesús Vázquez Almuíña e a alcaldesa de Redondela, Digna Rivas, seguíuse “con escepticismo” dende o Bloque Nacionalista Galego. “Tal como sospeitabamos non se produciron anuncios clave para o futuro da beiramar de Redondela, e da Enseada San Simón”, valora o voceiro nacionalista.
Redondela reafirmase na súa “total e absoluta oposición” á reordenación do acceso a Rande da APV
A Alcaldía de Redondela vén de amosar, unha vez máis, o seu “absoluto rexeitamento” ao proxecto de reordenación do acceso á zona portuaria de Rande proposto pola Autoridade Portuaria de Vigo á que, segundo a alcaldesa Digna Rivas, “parécelle importar ben pouco realizar unha actuación que degradará de xeito irreversible, unha zona de protección ambiental”.
Redondela opónse ao derrubo do antigo cargadoiro de Coto Wagner
O Concello de Redondela vén de amosar a firme intención de “utilizar todos os recursos legais de que dispoña o Consistorio para evitar que por parte da Autoridade Portuaria de Vigo, se prive aos veciños e veciñas de Redondela dun símbolo do patrimonio industrial do municipio como é o antigo cargadoiro de mineral de Coto Wagner, en Rande”.
Moaña e Redondela lamentan que o Porto de Vigo “busque deixar sen voz á veciñanza de ambos municipios”
Redondela e Moaña quedarán sen voz no Consello de Administración do Porto de Vigo que terá lugar o venres 27 de setembro, ao figurar na convocatoria como representante do municipio redondelá o exalcalde Javier Bas. Un feito que as alcaldesa de Redondela, Digna Rivas e Moaña, Leticia Santos, que teñen que compartir o posto no Consello ao longo do mandato, cualificaron de "actitude intencionada coa que se quere evitar que teñamos voz no Consello".
Digna Rivas acusa ao Porto de Vigo de “ningunear a Redondela, a súa veciñanza e a súa alcaldesa”
Por segunda vez, e pasados tres meses dende o relevo na alcaldía de Redondela, a Autoridade Portuaria de Vigo vén de remitir ao Concello de Redondela a convocatoria para o Consello de Administración do Porto na que, como vogal, figura o exalcalde Javier Bas e non a actual alcaldesa, a socialista Digna Rivas. Este feito foi cualificado pola rexedora local como un intento de "ningunear" ao Concello de Redondela e a súa alcaldesa e de "falta de respecto sen precedentes" aos veciños e veciñas.
Digna Rivas rexeita ante o Consello de Administración da Autoridade Portuaria que Rande convírtase nun almacén de contedores
A
alcaldesa de Redondela, Digna Rivas, expresou o pasado venres na
reunión do Consello de Administración da Autoridade Portuaria de
Vigo, o seu máis “fondo rexeitamento a que a parcela de Duches, en
Rande, sexa destinada ao almacenaxe de contedores.
Dende o Concello informouse do
cambio de membro a pesar de
terse comunicado dita...
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.