5.9 C
Pontevedra
Luns, 12 de Abril de 2021
More
    HomeComarcasRedondelaO BNG de Redondela alerta sobre o "medre portuario" na zona de...

    O BNG de Redondela alerta sobre o “medre portuario” na zona de Rande

    Segundo o voceiro nacionalista, Xoán Carlos González, “a Autoridade Portuaría incorpora outros 40.000 m² na Explanada de Rande e no Peirao da Pedra con fins industriais e de almacenaxe”.

    O encontro mantido entre o presidente da Autoridade Portuaria de Vigo, Jesús Vázquez Almuíña e a alcaldesa de Redondela, Digna Rivas, seguíuse “con escepticismo” dende o Bloque Nacionalista Galego. “Tal como sospeitabamos non se produciron anuncios clave para o futuro da beiramar de Redondela, e da Enseada San Simón”, valora o voceiro nacionalista.

    Rebate o edil nacionalista ás afirmacións de que aumentan as desafeccións. “O único que se certifica na Delimitación de Espazos e Usos Portuarios (DEUP), é que aqueles terreos improductivos ou xa consolidados como espazos de lecer, non son rendíbeis económicamente e polo tanto desvincúlanse deles”.

    Advirte Xoán Carlos González que pola contra, a Autoridade Portuaria medra nuns 40.000 m² na zoa de Rande. “Incorporan dúas parcelas: unha delas na explanada de Rande e outra no denominado Peirao da Pedra, coa finalidade de que estos terreos permitan realizar actividades de carácter industrial e de almacenamento para o Porto”, sinala.

    Entende o voceiro municipal do BNG, de que se están dando novos pasos para que a beiramar de Rande teña un futuro industrial, opción que dende organización nacionalista rexeitan. Apostan por que esta zoa, Rede Natura, debe reservarse para a recuperación medioambiental da Enseada San Simón.

    Segundo o voceiro municipal nacionalista o novo presidente da Autoridade Porturaia tampouco renuncia, ao Proxecto de Accesos á Explanada de Rande. “ Infraestructura que consolida a idea de convertela en zoa industrial, polo que dende o BNG, presentamos no seu momentos alegacións”, recorda.

    Valora Xoán Carlos González, como “continuístas” as políticas de ocupación da beiramar con fins industriais, por parte da Autoridade Portuaria. Califica de acto propagandista a xuntanza mantida entre membros do PP de Redondela e Vázquez Almuíña. “Nunca presentaron alegacións contra as pretensións da Autoridade Portuaria, en contra dos intereses veciñais. Agora veñen a vender fume, cun único interese electoralista”, afirma.

    Destaca o traballo e esforzo que diversos colectivos están desenvolvendo para protexer a beiramar do Estreito de Rande. “Por parte do BNG presentáronse alegacións ao Plan Estratéxico do Porto de Vigo, Plan Espazos e Usos Portuarios, ou de Accesos á explanada de Rande, os documentos nos que se recolle as pretensións da Autoridade Portuaria para esta espazo da beiramar de Redondela”, remata na súa nota

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS