18.3 C
Pontevedra
Mércores, 22 de Setembro de 2021
Máis
    HomeComarcasRedondelaRedondela reafirmase na súa "total e absoluta oposición" á reordenación do acceso...

    Redondela reafirmase na súa “total e absoluta oposición” á reordenación do acceso a Rande da APV

    A alcaldesa Digna Rivas “Redondela estará sempre en contra dunha actuación que degrada o medio ambiente e empeora a calidade de vida dos veciños e veciñas”

    A Alcaldía de Redondela vén de amosar, unha vez máis, o seu “absoluto rexeitamento” ao proxecto de reordenación do acceso á zona portuaria de Rande proposto pola Autoridade Portuaria de Vigo á que, segundo a alcaldesa Digna Rivas, “parécelle importar ben pouco realizar unha actuación que degradará de xeito irreversible, unha zona de protección ambiental”.

    O proxecto, ademáis, “afectará negativamente non só á calidade de vida das veciñas e veciños, senón tamén á súa economía, dado que é unha zona de marisqueo da que viven numerosas familias de Redondela e que teñen, nesa actividade, o seu sustento”.

    Digna Rivas sae así ao paso das informacións aparecidas na prensa nas que se sinala que “o departamento municipal de Urbanismo de Vigo non mira ningún obstáculo para que a Autoridade Portuaria poida poñer en marcha á reordenación da zona de Rande coa construción dun novo viario costeiro destinado ao tráfico portuario”.

    A alcaldesa de Redondela puntualiza que o informe deriva do feito que “ao tratarse dunha obra que ten afección sobre a Ría o concello vigués tamén ten que pronunciarse ao tratarse dun proxecto que ten que superar unha avaliación ambiental” pero, aclara a alcaldesa, é unha obra que se tería que desenvolver no Concello de Redondela “e este, polo tanto, o que ten a última palabra que non é outra que unha total e absoluta oposición a dita actuación”.

    Lembra a rexedora local que en agosto do 2019, o Concello de Redondela enviaba un completo informe de 11 páxinas asinado pola propia alcaldesa Digna Rivas e o concelleiro de Medio Ambiente, Roberto Villar, no que se explicaban, polo miúdo, os motivos polos que o Goberno local de Redondela sempre será contrario a esta obra proposta pola APV.

    Así, o informe sinala claramente que o lugar no que se pretenden as obras “atópase clasificado en Suelo Urbano Industrial, Suelo Non Urbanizable de Núcleos Existentes Tradicionais e en Solo Non Urbanizable Común” e o que é máis salientable e que “supón o trazado de novos viais non previstos polo planeamento vixente nin no PXOM que se atopa en tramitación”.

    Digna Rivas matiza que “a obra que pretende a APV non é unha reordenación de accesos, senón unha nova infraestrutura que implicaría un enorme impacto visual e acústico e que, a maiores, é totalmente oposto ao Plan de Ordenación Litoral (POL)”.

    De feito, o proxecto é contrario ao artigo 40 do POL no que sinala, claramente, que os obxectivos serían preservar os seus valores e mellorar a funcionalidade dos seus ecosistemas; manter as súas características naturais evitando a súa alteración; procurar a súa conectividade ecolóxica a través dos corredores, mellorando a súa funcionalidade e manter o fráxil equilibrio das condicións que configuran o medio natural no que se desenvolven os ecosistemas que lle son propios.

    E dicir, apunta a alcaldesa de Redondela, “xustamente o contrario ao que propón a Autoridade Portuaria á quen estas cousas, polo que se mira, impórtanlle ben pouco”. Iso sen ter en conta que nesa zona da Rede Natura “atópanse importantes bancos pesqueiros e de marisqueo do que viven numerosas familias, non so do noso concello, senón de concellos limítrofes. A obra, polo tanto, non só afectaría ao ecosistema, senón tamén ao seu medio de vida”.

    Nas alegacións a este proxecto, o Concello de Redondela tamén chamaba a atención sobre “a gravidade dos impactos ambientais da obra” ao sinalar que produciría un “impacto significativo” sobre o aire, auga, clima, flora, fauna, paisaxe e a interacción entre todos e que serían producidos por “un incremento das verteduras ao litoral, incremento da utilización dos recursos naturais, afección a espazos protexidos da Rede Natura 2000 e unha afección significativa ao patrimonio cultural”. A todos estes impactos, engádese o “incremento significativo das emisións á atmosfera, xustamente un dos problemas contra o que tratan de loitar todas as administracións responsables”, engade Digna Rivas

    “Sobre este tema, a posición do Goberno que presido nin cambiou nin cambiará e non e outra que a absoluta e total oposición ao proxecto”, afirma rotunda Digna Rivas que, ao mesmo tempo lamenta que “a Autoridade Portuaria non sexa capaz de entender que a Enseada de San Simón e, en particular a zona do Estreito de Rande, é un espazo privilexiado para o desenvolvemento de calquera actividade lúdica incompatible co uso industrial”.

    A alcaldesa de Redondela sinala a súa clara e inequívoca intención “de seguir loitando na defensa dos intereses dos veciños e veciñas de Redondela e que polo tanto pide que se paralice calquera actuación que quebre a protección de toda a Rede natura e a dos elementos patrimoniais existentes, tendo en conta os usos previstos polo POL, con recuperación de espazos privilexiados para o goce da cidadanía”.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS