28.9 C
Pontevedra
Venres, 19 de Agosto de 2022
Máis
    HomeÉ NoticiaO programa da Deputación “Voando nas Rías Baixas comeza este domingo

    O programa da Deputación “Voando nas Rías Baixas comeza este domingo

    Vinte persoas participarán nesta actividade de observación de aves no espazo situado nos límites dos concellos de Silleda, Forcarei e A Estrada, que está declarado Zona de Especial Conservación e protexido pola Rede Natura 2000

    Volven as rutas ornitolóxicas que promove a Deputación de Pontevedra. A cuarta edición do programa “Voando nas Rías Baixas”, que a institución provincial desenvolve xunto con SEO Birdlife para dar a coñecer a riqueza ornitolóxica da provincia e concienciar sobre a preservación de espazos naturais protexidos, arranca con todas as prazas completas este domingo 20 de xuño para a primeira sesión de observación de aves nas Brañas de Xestoso, que se estenden polos concellos de Silleda, Forcarei e A Estrada.   

    As Brañas de Xestoso son un espazo declarado Zona de Especial Conservación, protexido pola Rede Natura 2000, e cunha magnífica representación das serras baixas interiores da provincia de Pontevedra, con diferentes e valiosos ecosistemas como brañas, prados húmidos, turbeiras, matorral baixo, rochedos, carballeiras e a Lagoa Sacra de Olives. Nos meses de primavera estes diferentes ecosistemas son os hábitats ideais para observar e escoitar especies como a escribenta amarela, escribenta riscada, laverca, tordo charlo, trigueirón ou especies migratorias procedentes de África como o picanzo vermello, pica dos árbores, cuco ou bubela. Así mesmo, é un magnifico lugar para as rapaces, como a tartaraña cincenta, gatafornela, águia cobreira, miñato abelleiro e falcón peregrino entre outras.

    A excursión estará conducida por dous experimentados guías ornitolóxicos de SEO Birdlife Pontevedra. Como recomendacións para as persoas participantes, aconséllase levar roupa cómoda e calzado apropiado para moverse polo campo, así como protector solar. Cada participante terá á súa disposición prismáticos de observación de aves, así como dous telescopios terrestres de alta gama para poder desfrutar das aves sen molestalas. Tamén recibirán como material didáctico unha Guía de aves, así como unha lista de aves para que elaboren a súa lista durante a ruta. No caso daquelas persoas que dispoñan de prismáticos e guías de campo recoméndase que os leven, ao igual que unha pequena libreta para aprender a facer un caderno de campo.

    Despois desta primeira ruta, o resto continuarán a partir do mes de setembro. Así, o día 5 celebrarase a actividade na Serra do Cando, (Cerdedo-Cotobade, Forarei, A Lama e Beariz)

    e as inscricións abriranse na web da Deputación a partir do 23 de agosto. O 23 de outubro terá lugar a ruta polo Complexo Intermareal Umia-O Grove (O Grove, Sanxenxo, Meaño e Cambados), para a que as persoas interesadas poderán apuntarse desde o día 11 dese mes, e o 14 de novembro celebrarase a actividade na Enseada de San Simón (Redondela, Soutomaior, Pontevedra e Vilaboa), coas inscricións abertas desde o día 2. “Voando nas Rías Baixas” concluirá o 19 de decembro coa ruta polo Estuario do Río Miño (A Guarda) e pola Foz da Ramallosa (Nigrán). Neste caso, as persoas interesadas poderán anotarse desde o 7 de decembro.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS