13 C
Pontevedra
Martes, 19 de Marzo de 2024
Máis
    HomeÉ NoticiaO Museo de Pontevedra retoma as visitas didácticas para os colexios da...

    O Museo de Pontevedra retoma as visitas didácticas para os colexios da provincia

    Os colexios da provincia xa se poden acoller ao programa ‘Coñece o Museo de Pontevedra’ e concertar visitas didácticas para achegar ás e aos seus escolares toda a riqueza cultural das coleccións do Museo. Para cumprir con ese obxectivo, a Deputación de Pontevedra financiará unha visita e un autobús por centro escolar ata esgotar a dotación orzamentaria.

    As visitas das nenas e nenos, xunto ao seu profesorado, realizaranse dentro do horario de apertura ao público do Museo, entre as 10 h e as 21 horas, e o tempo de visita poderá variar entre unha hora e unha hora e media en función do itinerario elixido.

    Poderase escoller entre percorridos de carácter xeral ou temáticos segundo o nivel do alumnado, e o grupo visitante irá sempre acompañado polo persoal do gabinete didáctico, quen dependendo da modalidade escollida poderá facerlle entrega ao alumnado de material educativo complementario.

    A Deputación de Pontevedra farase cargo dos gastos da visita didáctica, así como do transporte do grupo escolar ata o Museo (un autobús por centro) ata esgotar a dotación orzamentaria. Quedarán excluídos da axuda económica para o transporte os centros escolares do núcleo urbano da cidade de Pontevedra.

    Para concertar a visita e tramitar a subvención é preciso concertar a actividade co gabinete didáctico do Museo a través do teléfono 986 804 100 (extensións 42412 e 42413), ou a través do correo electrónico gabinetedidactico.museo@depo.es. Unha vez reservada a data, é preciso cubrir o formulario de solicitude e presentalo, xunto co orzamento detallado da empresa de transporte –a tramitar polo colexio–, cunha antelación de polo menos 15 días á súa realización.

    Existen varias fórmulas para a presentación dos trámites: no rexistro administrativo da Deputación de Pontevedra; na súa sede en Vigo; nos rexistros electrónicos de calquera órgano administrativo que pertenzan á administración local ou autonómica (Oral, concellos, ou Xunta de Galicia); nas oficinas de Correos por envío certificado; ou por vía electrónica a través da sede electrónica da Deputación de Pontevedra.

    Para máis información sobre o programa os centros escolares poden chamar ao teléfono 986 804 100, extensións 42412 e 42413, ou solicitala a través do correo electrónico: gabinetedidactico.museo@depo.es.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.