A Axencia Estatal de Meteoroloxía (AEMET) informa dun novo aviso de nivel laranxa no mar que afectará ao litoral Noroeste, Oeste e Suroeste da provincia da Coruña e a todo o litoral da provincia de Pontevedra, con ondas que poderán alcanzar ata os 6 m. Agárdase que esta situación comece a partir desta madrugada.
O litoral da provincia de Lugo verase afectado por este episodio cun nivel de alerta amarelo.
Ante isto, cómpre que sigamos estas medidas de protección necesarias para así evitar posibles riscos.
Espérase un fenómeno meteorolóxico adverso no mar que require da adopción de medidas de autoprotección, xa que, o máis probable é que se produza unha forte ondada e vento no litoral.
Por iso, o que nos podemos atopar é:
- Pequenas embarcacións ou outras estruturas marítimas á deriva
- Desbordamenteos puntuais polo suba da marea
- Obxectos e mobiliario urbano próximo ao mar que pode ser arrastrado
Para tratar de paliar estes efectos da situación meteorolóxica adversa, cómpre adoptar as seguintes medidas de autoprotección:
- Afastarse de praias, paseos marítimos, rompentes ou diques
- Evitar navegar, nadar ou practicar deportes acuáticos
- Non deterse a sacar fotografías
- Aseguar a embarcación
