20.5 C
Pontevedra
Luns, 27 de Setembro de 2021
Máis
    HomeÉ NoticiaCarmela Silva, "non teño ningunha dúbida, o mundo local é o gran...

    Carmela Silva, “non teño ningunha dúbida, o mundo local é o gran centro da acción polo clima”

    A presidenta da Deputación de Pontevedra participou na clausura da #COP25 subliñando que "os dous grandes retos do mundo son a loita pola igualdade entre mulleres e homes e a transición ecolóxica"

    A presidenta da Deputación de Pontevedra Carmela Silva participou na clausura do Cume do Clima COP25 onde interveu na mesa de debate ‘Os compromisos internacionais dos gobernos locais’, no marco da xornada ‘Os retos dos gobernos locais fronte ao cambio climático’, que foi inaugurada no IFEMA de Madrid polo Secretario de Estado de Medio Ambiente, Hugo Morán, e polo presidente da FEMP Abel Caballero.

    Silva reivindicou na súa intervención a importancia do local para facerlle fronte á emerxencia climática: “non teño ningunha dúbida, o mundo local é o gran centro da acción polo clima. Os alcaldes, alcaldesas e presidentes e presidentas das deputacións temos algo que non teñen outras administracións: a proximidade, falar de ti a ti cada día coas nosas veciñas e os veciños”.

    Deste xeito, a presidenta subliñou que “a administración local leva moito tempo sendo consciente de que os dous grandes retos económicos, políticos, medioambientais, sociais, culturais do mundo son a loita pola igualdade entre mulleres e homes e a transición ecolóxica. Desde o local estanse a tomar decisións valentes, destinándolle moitos recursos e cun discurso que está calando entre a cidadanía”.

    Ao respecto da Deputación de Pontevedra, a presidenta destacou que estes dous grandes compromisos, adquiridos desde a súa toma de posesión, veñen reflexados nos orzamentos. “O orzamento do 2020 elaborouse tendo en conta os 17 ODS, para cumprir cada unha das súas 167 medidas, moi centradas na igualdade e na transición ecolóxica”.

    Así, Carmela Silva detallou que o primeiro que fixo a institución provincial foi unha auditoría para coñecer o grao de cumprimento dos ODS, “tiñamos que saber de onde partir, e como levábamos dous anos actuando xa neste eido deunos unha porcentaxe moi elevada, o 91 % do cumprimento. O noso obxectivo é chegar ao 100% xa que sabemos que hai unha emerxencia climática, non o podemos negar”.

    Tamén aproveitou a presidenta para sinalar algunhas das actuacións que está a desenvolver a Deputación de Pontevedra neste eido, como o plan de tratamentos sólidos, baseado na compostaxe e ao que cualificou como “o máis ambicioso que existe no mundo”, os proxectos de mobilidade para recuperar o espazo público para as persoas ou a aposta por produtos de proximidade. “Iniciativas que nos están a permitir construír unha provincia máis amable, onde as persoas son o centro de todo”, subliñou Silva.

    Xunto á presidenta da Deputación, tamén interviñeron na xornada para afondar sobre os retos dos gobernos locais fronte ao cambio climático o alcalde de Sevilla (Juan Espadas), o de Zaragoza (Jorge Azcón), a alcaldesa de Canyelles en Barcelona (Rosa Huguet), o alcalde de Soria (Carlos Martínez) e a alcaldesa de Gijón (Ana González).

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS