7.5 C
Pontevedra
Mércores, 8 de Febreiro de 2023
Máis
    HomeÉ NoticiaCarlos Font acusa ao PP do "uso intolerable da xustiza" logo dunha...

    Carlos Font acusa ao PP do “uso intolerable da xustiza” logo dunha nova sentenza a favor da Deputación

    Os tribunais desestiman "integramente" o recurso do exalcalde do PP de Redondela interposto pola exclusión do proxecto presentado ao Plan DepoRemse

    O deputado Carlos Font valorou hoxe positivamente a sentenza do Xulgado número 2 de Pontevedra, “unha máis” que dá a razón á Deputación de Pontevedra, que desestima “integramente” o recurso contencioso-administrativo que o anterior goberno municipal do PP de Redondela, presidido por Javier Bas, interpuxo contra a exclusión do proxecto municipal presentado ao abeiro do Plan provincial DepoRemse.

    O deputado provincial sinalou que “esta sentenza, como todas as que o PP perdeu contra a Deputación, mostra claramente o uso intolerable e espurio que o Partido Popular fai dos medios xudiciais, amais de dilapidar o diñeiro público e utilizar os concellos nos que gobernan como punta de lanza nunha guerra partidista, en vez de defender os dereitos da súa veciñanza”. “Son demandas, engadiu, que se demostra que non teñen sentido nin razón de ser, que lles van tirando nos xulgados unha tras outra”

    Font tallante: “O fallo é demoledor, unha proba máis da estratexia espuria do PP de utilizar aos concellos onde goberna como punta de lanza partidista”

    Font, que cualificou o fallo de “demoledor porque desmonta un tras outro os argumentos do anterior goberno do PP de Redondela e avala os criterios técnicos cos que sempre actúa a Deputación”, acusou directamente aos populares “dunha estratexia intolerable, arbitrada e dirixida desde Santiago que, por enriba, non lles dá ningún beneficio porque as perden todas. Unha estratexia, dixo, que non é casual, que mostra que a inminencia dunhas eleccións fai que aflore a desesperación. Só neses parámetros pode entenderse que algúns estean a chegar a extremos insoportables de insultos, mentiras e comportamentos inauditos na acción política”

    Na sentenza que desestima o recurso do anterior goberno municipal de Redondela, a xuíza recorda que o proxecto obtivo un total de 53’ 09 puntos, por enriba da nota de corte situada en 50. É dicir, o proxecto si superou a nota valorativa do corte, o que da mostra da boa fe da Deputación, pero aínda así non puido obter a subvención por esgotamento do crédito, algo que estaba claramente especificado nas bases do Plan. Por todo iso, a sentenza dá a razón á Deputación de Pontevedra e desestima o recurso.

    No fallo xudicial, sinálase que a xuíza non pode substituír o criterio da Comisión de Valoración e que non existe motivo para dubidar do xuízo finalmente emitido por tal órgano. Tamén establece que non é posible rebater a valoración técnica do Comité de Expertos, cuxo presidente explicou que a natureza do proxecto a presentar debería haber tido en consideración un criterio multifuncional, que tivera en todo momento presente a seguridade, e que o proxecto, como relatou o presidente, presentaba ata 16 insuficiencias e disfuncións técnicas concretas que se recolleron no escrito de resposta á demanda, polo que era claramente mellorable.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS