7.6 C
Pontevedra
Venres, 21 de Xaneiro de 2022
Máis
    HomeÉ NoticiaAreeiro aconsella manter a vixiancia da brotite ata a vendima

    Areeiro aconsella manter a vixiancia da brotite ata a vendima

    O centro dependente da Deputación recomenda aproveitar estes días para limpar os acios máis danados polo mildio para gañar tempo para a colleita e evitar a posible instalación da botrite

    A Estación Fitopatolóxica Areeiro, centro dependente da Deputación de Pontevedra, acaba de lanzar o último aviso fitosanitario previo á vendima (cuxo inicio está previsto en principio na semana do 6 ao 13 de setembro) no que fai referencia á botrite, o mildio e o oídio das viñas. Neste senso, o aviso da EFA sinala que aínda que esta semana apenas se detectou a presenza de botrite, este fungo pode afectar aos acios ata o mesmo momento da colleita, polo que recomenda manter a vixilancia e asegurar unha boa ventilación das plantas se ata a recollida da uva hai precipitacións ou calquera outra circunstancia que poida beneficiar ao patóxeno.

    Mildio

    Respecto ao mildio, Areeiro destaca que esta semana detectáronse síntomas novos en plantas abandonadas e outras que levaban tempo sen tratar, e aínda que as previsións meteorolóxicas de choivas reducidas previstas para os vindeiros días non deberían ter consecuencias negativas para a vendima, recomenda aproveitar estas xornadas para limpar os acios máis danados co fin de gañar tempo para a colleita e evitar a posible instalación da botrite. En calquera caso, nos predios con elevada presenza de manchas, a EFA sinala que será conveniente aplicar un tratamento cúprico despois da vendima, en calquera momento antes da caída da folla, para reducir o inóculo para a próxima campaña.

    Por outra banda, no que se refire ao oídio, a Estación sinala que non se detectaron esta semana variacións na sintomatoloxía respecto á anterior. Por iso, ao igual que co mildio, recomenda que naqueles predios que presenten máis síntomas será conveniente aplicar unha intervención trala recollida da uva, antes da caída de follas.

    No caso da avelaíña do acio, descenderon as capturas de Lobesia botrana e as postas seguen a ser testimoniais, e no dos insectos cicadelidos houbo nalgún predio un incremento das capturas, aínda que sen maiores consecuencias. Areeiro indica a este respecto que moita da sintomatoloxía que se asocia aos cicadelidos non é específica do insecto, senón que pode deberse a causas abióticas, frecuentes nestas alturas de campaña. Tamén advirte a EFA de que amais da presenza de plantas con síntomas de estrés hídrico e de enfermidades da madeira, observouse unha planta cun forte ataque de trips nos gromos terminais.

    Por último, o aviso de Areeiro refírese tamén a outros cultivos, como a maceira e o buxo. No primeiro caso, é o momento para instalar as bandas-trampa de cartón nas maceiras para capturar as eirugas da avelaíña da mazá cando vaian a invernar, e que deben ser eliminadas e destruídas xa en outono-inverno. Respecto á Cydalima perspectalis, a bolboreta do buxo, a EFA recomenda manter a vixilancia das plantas, xa que aínda que a situación máis común está a ser a brotación, pode haber diferentes situacións.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS